అపార్ట్‌మెంట్‌‌ 29వ అంతస్తు నుంచి దూకిన బ్రిటీష్ స్కైడవర్..పారాషూట్ తెరుచుకోక దుర్మరణం

అపార్ట్‌మెంట్‌లోని 29వ అంతస్తు నుంచి దూకి బేస్ జంపింగ్ చేయాలనుకున్న ఓ బ్రిటీష్ స్కైడైవర్ దుర్మరణం చెందాడు. పారాషూట్ సమయానికి తెరుచుకోక పోవడంతో నేలపై పడి మృతిచెందాడు. థాయ్‌లాండ్‌లో పట్టాయ ప్రాంతంలో శనివారం ఈ ఘటన వెలుగు చూసింది. కేంబ్రిడ్జిషైర్‌లోని హంన్టింగ్టన్‌కు చెందిన నేథన్ ఓడిన్సన్ (33) స్కైడవర్. అతడికి ఎన్నో ఏళ్ల అనుభవం ఉంది. స్కైడైవింగ్ చేయాలనుకునే వారికి సాయపడుతూ ఉంటాడు. తన సాహసాలకు సంబంధించిన వీడియోలు సోషల్ మీడియాలో పోస్ట్ చేస్తుంటాడు.