సంక్రాంతి పండగ కానుకగా వెంకటేశ్ కథానాయకుడిగా ‘సైంధవ్’ సినిమా ప్రేక్షకుల ముందుకు వచ్చింది. వెంకట్ బోయినపల్లి నిర్మించిన ఈ సినిమాకి శైలేశ్ కొలను దర్శకత్వం వహించాడు. ఈ నెల 13వ తేదీన ఈ సినిమా థియేటర్లకు వచ్చింది. యాక్షన్ థ్రిల్లర్ కంటెంట్ తో పండగ రోజుల్లో రావడం వలన ఆశించిన స్థాయిలో ఈ సినిమా ఆడియన్స్ కి కనెక్ట్ కాలేకపోయింది.
ఈ సినిమా ఓటీటీ హక్కులను అమెజాన్ ప్రైమ్ వారు 15 కోట్లతో దక్కించుకున్నట్టుగా తెలుస్తోంది. ఫిబ్రవరి చివరిలో ఈ సినిమాను స్ట్రీమింగ్ చేయాలనుకున్నారట. అయితే ఆశించిన స్థాయికి ఈ సినిమా అందుకోకపోవడం వలన, ఫిబ్రవరి 2వ తేదీనగానీ .. 9వ తేదీన గాని స్ట్రీమింగ్ చేయవచ్చని అంటున్నారు. త్వరలోనే ఈ విషయంలో స్పష్టత రానుంది.