ఇర్రిపాకలో మొదలైన ద్వాదశ జ్యోతిర్లింగాల ప్రత్యేక ఆదివాసం పూజలు

గోపూజ, యాగశాల లో ఉత్సవ విగ్రహ ప్రవేశం నిర్వహించిన జ్యోతుల నెహ్రూ దంపతులు

జగ్గంపేట
జగ్గంపేట మండలం ఇర్రిపాక శివాలయం వద్ద జ్యోతుల నెహ్రూ, జ్యోతుల మణి కుటుంబం అత్యంత వైభవంగా భారతదేశంలోని ద్వాదశ జ్యోతిర్లింగాల ప్రతిష్ట మహోత్సవం ఈరోజు అంకరార్పణ చేశారు. ఆదివారం ఉదయం10:40 నిమిషాలకు విగ్నేశ్వర పూజ, పుణ్య హవాచనం, రక్షాబంధన్, పంచగవ్యప్రచన, గోపూజ, దీక్షాధారణ, యాగశాల ప్రవేశం, మండపారాధన బుత్విక్ వరుణ, అంకురారోపణ, అగ్ని మదనం, అఖండ దీపారాధన, మొదలగు పూజలు నిర్వహించారు. 12 ,13 తేదీల్లో కూడా అదివాసాలు నిర్వహించి 14వ తేదీ ద్వాదశ జ్యోతిర్లింగాల ప్రతిష్ట జరుగుతుందని జ్యోతుల నెహ్రూ తెలియజేశారు. ప్రతిరోజు జరిగే ఈ కార్యక్రమాలకు భక్తులందరూ హాజరై ఆ శివుడి కృపకు పాత్రులవుతారని అన్నారు. ఈ కార్యక్రమంలో జ్యోతుల సుబ్బారావు, అడబాల భాస్కరరావు, జ్యోతుల లక్ష్మీదేవి, జ్యోతుల అనీష్ నెహ్రూ అధిక సంఖ్యలో భక్తులు పాల్గొన్నారు.