బాలీవుడ్ క్వీన్ కంగనా రనౌత్ ప్రధాన పాత్రలో నటించిన సినిమా ‘ఎమర్జెన్సీ’. ఈ రోజు సినిమా ఫస్ట్ లుక్ విడుదల చేశారు. రిలీజ్ డేట్ అనౌన్స్ చేశారు.
‘ఎమర్జెన్సీ’ సినిమాలో భారత మాజీ ప్రధాని ఇందిరా గాంధీ పాత్రలో కంగనా రనౌత్ నటించారు. షార్ట్ హెయిర్ కట్, మెడలో రుద్రాక్ష మాల, శారీ… ఇందిరగా కంగనాను చూస్తే పర్ఫెక్ట్ మ్యాచ్ అనేలా ఉన్నారు. అయితే… ఈ లుక్ అంత ఈజీగా రాలేదు. దీనికి కోసం ముందు నుంచి వర్క్ చేశారు. ప్రోస్థటిక్ మేకప్ ఉపయోగించారు.
జూన్ 14, 2024న ‘ఎమర్జెన్సీ’ చిత్రాన్ని థియేటర్లలో విడుదల చేయనున్నట్లు ఈ రోజు కంగనా రనౌత్ వెల్లడించారు. ”ఇండియాలో చీకటి ఘడియల వెనుక ఉన్న కథను తెలుసుకోండి అని కంగనా రనౌత్ పేర్కొన్నారు.
తమిళనాడు మాజీ ముఖ్యమంత్రి జయలలిత బయోపిక్ ‘తలైవి’లో ఆమె టైటిల్ రోల్ చేశారు. అయితే… ఆ సినిమా ఆశించిన విజయం సాధించలేదు. ఈ ‘ఎమర్జెన్సీ’లో ఆవిడ ఇందిరా గాంధీ పాత్ర చేశారు. మరి, ఈ సినిమాకు ఎటువంటి స్పందన లభిస్తుందో చూడాలి.
‘ఎమర్జెన్సీ’ – ఇందిరా గాంధీగా కంగన ఫస్ట్ లుక్
