చంద్రగిరి:నియోజకవర్గ కేంద్రమైన చంద్రగిరి మండలంలోని గంగుడుపల్లి పంచాయతీలోమీ ఇంటి వద్దకు మీ పులివర్తి నాని – బాబు ఘారిటి భవిష్యత్తుకు గ్యారెంటీ కార్యక్రమం నిర్వహించారు. గంగుడపల్లికి చేరుకున్న పులివర్తి వినీల్ కి టిడిపి జనసేన బిజెపి నాయకులు కార్యకర్తలు టపాకాయలు కాల్చి, మహిళలు హరతలు పట్టి, గజమాలతో ఘనంగా స్వాగతం పలికారు. టీడీపి,జనసేన, బీజేపీ నాయకులు కార్యకర్తలుతో పులివర్తి వినీల్ గ్రామంలో ఇంటింటికి తిరుగుతూ సూపర్ సిక్స్ పథకాలను గురించి ప్రజలకు వివరిస్తున్నారు. పులివర్తి నానిని ఎమ్మెల్యేగాఅఖండ మెజారిటీతో గెలిపించాలని అభ్యర్థించారు.
ఇంటింటి ప్రచారంలో తెలుగుదేశం పార్టీలోకి చేరికలు జోరందుకున్నాయి. గంగుడుపల్లి పంచాయితీలో శుక్రవారం వైసిపి నేతలు కామసాని గురువారెడ్డి, పి నారాయణ రెడ్డి (వాల్ నారాయణ), కే ధర్మారెడ్డి వీరితో పాటుగా 15 కుటుంబాలు తెలుగుదేశం పార్టీ ఎమ్మెల్యే అభ్యర్థి పులివర్తి నాని తనయుడు పులివర్తి వినీల్ సమక్షంలో టిడిపి తీర్థం పుచ్చుకున్నారు. వారికి కండువాలు కప్పి సాదరంగా పార్టీలోకి ఆహ్వానించారు. ఈ సందర్భంగా వారు మాట్లాడుతూ ఎమ్మెల్యే మాయలో పడి మోసపోయాం, పులివర్తి నాని గెలుపు మా బాధ్యత, గతంలో జరిగిన పొరబాట్లు సరి చేసుకుంటాం, ఎవరు ఎన్ని ప్రలోభాలకు గురిచేసిన తలవంచం, పంచాయతీలు టిడిపికి మెజారిటీ తీసుకువస్తాంమని,పులివర్తి నాని గెలుపుకు కృషి చేస్తామని పార్టీలో చేరిన వారు పేర్కొన్నారు.
