మహిళలు ఉపాధి కోసం గార్మెంట్ ఫ్యాక్టరీ నిర్మిస్తా..
ఊట్ల వారి పల్లి వద్ద టిడిపి జయహో బిసి సభ..!:పులివర్తి నాని
చంద్రగిరి
నియోజకవర్గం పరిధి లోని, పాకాల మండలం, ఉప్పరపల్లి పంచాయతీ, ఊట్లవారిపల్లి వద్ద జయహో బిసి సభ కార్యక్రమం బిసి నాయకుల సమక్షంలో టీడీపీ చంద్రగిరి నియోజకవర్గ ఎమ్మెల్యే అభ్యర్థి పులివర్తి నాని,జనసేన పార్టీ నాయకుల ఆధ్వర్యంలో శుక్రవారం నిర్వహించడం జరిగింది.ఈ సందర్భంగా పులివర్తి నాని మాట్లాడుతూ బీసీలు వేసిన పునాదులపై నిలబడ్డ పార్టీ టిడిపి పార్టీ అనిఅన్నారు.దామరచెరువులో మహిళలకు ఉపాధి కోసం గార్మెంట్ ఫ్యాక్టరీ,కోల్డ్ స్టోరేజ్ నెలకొల్పతానని,అలాగే దామలచెరువు నుండి పాకాలకు సప్లై ఛానల్ తీసుకువస్తాను.చుట్టుపక్కల రోడ్ల అభివృద్ధి,పాకాల రైల్వే జంక్షన్ అభివృద్ధికి అధికారం చేపట్టిన ఒక సంవత్సరం కాలంలోనే నెలకొల్పడానికి కృషి చేస్తానని హామీ ఇచ్చారు.తాయిలాలకు,డబ్బుకు లొంగకుండా ఒక్కసారి నాకు అవకాశం ఇస్తే చంద్రగిరి నియోజకవర్గం అభివృద్ధి ఏమిటో నేను చేసి చూపిస్తానని పేర్కొన్నారు.సభా వేదికపై మాట్లాడిన బీసీ నాయకులు,మైనార్టీ నాయకులు,జనసేన పార్టీ నాయకులు రాబోయే ఎన్నికల్లో నియోజకవర్గంలో భారీ మార్పు రాబోతుందని,నాని విజయానికి ఐకమత్యంతో బీసీ నాయకులు కలిసి కట్టుగా పనిచేసి విజయానికి కృషి చేయాలని పిలుపునిచ్చారు.నేను అవినీతికి పాల్పడితే పాకాల ఆర్టీసీ బస్టాండ్ సమీపంలో ఉన్న ఎన్టీఆర్ విగ్రహం వద్ద చొక్కా పట్టి నిలదీయ వచ్చని సభాముఖంగా పులివర్తి నాని తెలియచేశారు.