వాహనాన్ని ప్రారంభించిన ఎంపీ అవినాష్ రెడ్డి
పులివెందుల టౌన్
తుమ్మలపల్లి యూనియన్ ప్రాజెక్ట్ పరిధిలో ఉన్న ఎస్ఎంఎస్ కంపెనీ ఆధ్వర్యంలో ఇడుపులపాయ ఆర్కే వ్యాలీ పోలీస్ స్టేషన్కు బొలెరో వాహనాన్ని వితరణగా అందించారు. ఈ సందర్భంగా ఆదివారం బొలెరో వాహనాన్ని ఎంపీ వైయస్అవినాష్ రెడ్డి ఎస్ఎంఎస్ విజిలెన్స్ సెక్యూరిటీ అధికారి ఖలీల్ సౌదాగర్ ,వేల్పుల రామలింగారెడ్డిలు ఆర్కే వ్యాల్యూ పోలీస్ స్టేషన్ సిఐకి అందజేశారు. ఈ సందర్భంగా ఎంపీ వైయస్ అవినాష్ రెడ్డి మాట్లాడుతూ ఎస్ఎంఎస్ కంపెనీ ఆధ్వర్యంలో పలు సేవా కార్యక్రమాలతో పాటు వాహనాన్ని పోలీస్ స్టేషన్ కు వితరణంగా అందించడం చాలా సంతోషదగ్గ విషయం అన్నారు. ఎస్ఎంఎస్ కంపెనీ చేస్తున్న సేవలను ఆయన కొనియాడారు. అనంతరం అధికారులు సిబ్బందిని ఆయన అభినందించారు. కార్యక్రమంలో రాష్ట్ర వైద్య విభాగం కార్యదర్శి వైయస్ అభిషేక్ రెడ్డి, మార్కెట్ యార్డ్ కమిటీ చైర్మన్ చిన్నప్ప వైఎస్ఆర్సిపి నాయకులు తదితరులు పాల్గొన్నారు.