మొయ్దీన్ భాయ్‌గా ఎంట్రీ ఇచ్చిన రజినీకాంత్

తమిళ సూపర్ స్టార్ రజినీకాంత్ నటిస్తున్న తాజా చిత్రం ‘జైలర్’ నుండి ఇటీవల ఓ సాలిడ్ అప్డేట్‌ను చిత్ర యూనిట్ ఇచ్చింది. ఈ సినిమా రిలీజ్ డేట్‌ను చిత్ర యూనిట్ అఫీషియల్‌గా అనౌన్స్ చేయడంతో, ఈ మూవీని ఎప్పుడెప్పుడు చూద్దామా అని అభిమానులు ఎంతో ఆసక్తిగా ఎదురుచూస్తున్నారు.ఇక ఈ సినిమాతో పాటు రజినీకాంత్ తన కూతురు ఐశ్వర్యా రజినీకాంత్ తెరకెక్కిస్తున్న ‘లాల్ సలామ్’ మూవీలో ఓ కీలక పాత్రలో నటిస్తున్నాడు.విష్ణు విశాల్, విక్రాంత్ హీరోలుగా నటిస్తున్న ‘లాల్ సలామ్’ పీరియాడిక్ మూవీగా చిత్ర యూనిట్ తెరకెక్కిస్తోంది. అయితే, ఈ సినిమాలో మొయ్దీన్ భాయ్ అనే పాత్రలో రజినీకాంత్ నటిస్తున్నాడు. ఈ పాత్ర కోసం ఆయన సరికొత్త గెటప్‌లో కనిపిస్తున్నాడు. ఈ మూవీలోని ఆయన పాత్రకు సంబంధించిన ఫస్ట్ లుక్ పోస్టర్‌ను చిత్ర యూనిట్ తాజాగా రిలీజ్ చేశారు. ఈ పోస్టర్‌లో రజినీకాంత్‌ను మునుపెన్నడూ చూడని విధంగా చూసి అభిమానులు అవాక్కవుతున్నారు.రజినీకాంత్‌ను ఇలా సరికొత్త అవతారంలో చూసి అభిమానులు ఈ పోస్టర్‌ను నెట్టింట తెగ షేర్ చేస్తూ వైరల్ చేస్తున్నారు. లైకా ప్రొడక్షన్స్ భారీ బడ్జెట్‌తో తెరకెక్కిస్తున్న ఈ సినిమాకు ఏఆర్.రెహమాన్ సంగీతం అందిస్తున్నాడు. ప్రస్తుతం షూటింగ్ జరుపుకుంటున్న లాల్ సలామ్ మూవీని ఈ ఏడాది చివరికల్లా రిలీజ్ చేసేందుకు మేకర్స్ ప్లాన్ చేస్తున్నారు.