స్వామి అమ్మవార్ల విగ్రహాలకు ప్రాణప్రతిష్ట
తుని
తుని మండలం ఎన్.సూరవరం ఆధ్యాత్మిక శోభతో పులకరించింది.స్ధానిక శ్రీ లక్ష్మీ వెంకటేశ్వర స్వామి దేవస్థానం ధర్మకర్త చింతంనీడి నాగసోమరాజు ఆధ్వర్యంలో శ్రీదేవి భూదేవి సమేత శ్రీ వెంకటేశ్వర స్వామి వార్ల రాతి విగ్రహాల ప్రతిష్ట మహోత్సవం అత్యంత శోభాయమానంగా నిర్వహించారు. వేద పండితులు మంత్రోఛ్ఛారణల నడుమ హోమాలు పూజా కార్యక్రమాలు శాస్త్రోక్తంగా నిర్వహించి స్వామి అమ్మవార్ల రాతి విగ్రహాలకు ప్రాణప్రతిష్ట గావించారు. అనంతరం స్వామి అమ్మవార్ల కళ్యాణ మహోత్సవం భక్తుల గోవింద నామస్మరణ నడుమ అట్టహాసంగా జరిగింది.
తెలుగుదేశం పార్టీ పోలిట్ బ్యూరో సభ్యుడు యనమల రామకృష్ణుడు, తెలుగుదేశం పార్టీ తుని నియోజకవర్గ ఇన్చార్జి యనమల దివ్య, రాష్ట్ర తెలుగుదేశం పార్టీ ఆర్గనైజింగ్ కార్యదర్శి యనమల కృష్ణుడు ఇక్కడ జరిగిన పూజా కార్యక్రమాలకు హాజరయ్యారు. మంగళ వాయిద్యాలు నడుమ యనమల రామకృష్ణుడికి వేద పండితులు పూర్ణకుంభ స్వాగతం పలికారు. అనంతరం స్వామి అమ్మవార్లను దర్శించుకుని తీర్థప్రసాదాలు స్వీకరించారు. ఈ కార్యక్రమంలో సీనియర్ నాయకులు పోల్నాటి శేషగిరిరావు, సుర్ల లోవరాజు, మోతుకూరి వెంకటేష్,గాడి రాజబాబు, దంతులూరి చిరంజీవి రాజు, పోలిశెట్టి రామలింగేశ్వర రావు, జక్కాన రామనాయుడు, తదితరులు పాల్గొన్నారు.
