గొల్లప్రోలు:గొల్లప్రోలు మండలం దుర్గాడ గ్రామంలో శ్రీ వేగులమ్మ అమ్మవారి జాతర మహోత్సవాలు శనివారం వైభవంగా ప్రారంభమయ్యాయి. ఆలయ అర్చకులు చెరుకూరి వీరబాబు, దత్తు సోదరులు అమ్మవారికి పంచామృతాలు, హరిద్ర, కుంకుమ, సుగంధ జలాలతో అభిషేకాలు నిర్వహించారు.అనంతరం అమ్మవారిని సర్వాంగ సుందరంగా అలంకరణ చేసి సౌభాగ్య స్త్రీ మాతలచే లలితా సహస్రనామ కుంకుమార్చనా పూజా కార్యక్రమాలు నీరాజన, మంత్రపుష్పాలు సమర్పించారు. ఈ సందర్భంగా పాకలపాటి రామరాజు కుటుంబ సభ్యులు అమ్మవారికి సుమారు 50 వేల రూపాయలు విలువ చేసే బంగారు నేత్రాలు సమర్పించారు.ఆలయ కమిటీ సభ్యులు మాట్లాడుతూ 5 రోజులపాటు ఉత్సవాలు జరుగుతాయని, అమావాస్యతో పూర్తవుతాయని తెలిపారు.
