బుట్టాయగూడెం.
విశాఖపట్నం రూరల్ తహసిల్దార్ సనపల రమణయ్య హత్య కేసులో నిందితులను వెంటనే అరెస్టు చేయాలని డిమాండ్ చేస్తూ స్థానిక తహసిల్దార్ కార్యాలయ సిబ్బంది డిమాండ్ చేశారు. ఈ మేరకు స్థానిక తహసిల్దార్ కార్యాలయం ఎదుట శనివారం సిబ్బంది నిరసన ప్రదర్శన చేశారు. ఈ సందర్భంగా వారు మాట్లాడుతూ తహసిల్దార్ రమణయ్య ఇటీవలే విజయనగరం జిల్లా బంటుపల్లి కి బదిలీ అయ్యారని తెలిపారు. నిందితులు కక్షతో రమణయ్యపై దాడి చేసి, కొట్టి చంపారని, ఈ సంఘటనతో రెవెన్యూ యంత్రాంగం ఉలిక్కిపడిందని అన్నారు. ఇటువంటి సంఘటనలు పునరావృతం కాకుండా నిందితులపై ప్రభుత్వం కఠిన చర్యలు తీసుకోవాలని కోరారు. హత్యకు గురైన రమణయ్య కుటుంబానికి ప్రభుత్వం తగిన విధంగా న్యాయం చేయాలని అన్నారు. ఈ కార్యక్రమంలో డిప్యూటీ తహసిల్దార్ కె. రమేష్, ఏ ఎస్ ఓ వీరేంద్ర, సిఎస్ ఆర్ ఐ కుంజం పద్మ, సీనియర్ అసిస్టెంట్ కుంజా గంగరాజు, వీఆర్వోలు తెల్లం పోతురాజు, నాగేశ్వరరావు, శ్రీరామ్ మూర్తి, బాలరాజు, రామ్మూర్తి, నాగరాజు, మంగతాయారు, ఆషాబేగం,జెన్నిఫర్, ప్రియాంక, మున్ని, మంగ, షామిలీ, తదితరులు పాల్గొన్నారు
తహసిల్దార్ రమణయ్య హత్య కేసులో నిందితులను వెంటనే అరెస్ట్ చేయాలి
