పుష్ప 2 మూవీ రిలీజ్ వాయిదా పడబోవడం లేదని మరోసారి మేకర్స్ స్పష్టం చేశారు. ఈ సినిమాను నిర్మిస్తున్న మైత్రీ మూవీ మేకర్స్.. సోమవారం ఓ ట్వీట్ ద్వారా ఈ విషయాన్ని వెల్లడించి ఓ స్పెషల్ పోస్టర్ ను కూడా రిలీజ్ చేశారు.
మూవీ రిలీజ్ కు కౌంట్ డౌన్ మొదలు పెడుతూ.. మరో 200 రోజుల్లో పుష్ప తన రూల్ ను మొదలు పెట్టనున్నాడని మైత్రీ మూవీ మేకర్స్ చెప్పింది. దీంతో అల్లు అర్జున్ ఫ్యాన్స్ ఫుల్ ఖుషీలో ఉన్నారు.
పుష్ప ది రూల్ మూవీ ఆగస్ట్ 15న రిలీజ్ కానుందని గతేడాదే మేకర్స్ వెల్లడించారు. అయితే షూటింగ్ ఆలస్యం అవుతుండటంతో రిలీజ్ వాయిదా తప్పదని చాలా రోజులుగా వార్తలు వస్తున్నాయి. ఈ వార్తలను ఖండిస్తూ తరచూ మేకర్స్ నుంచి సోషల్ మీడియాలో ఏదో ఒక అప్డేట్ వస్తూనే ఉంది. తాజాగా మైత్రీ మూవీ మేకర్స్ చేసిన ట్వీట్ వైరల్ అవుతోంది.
పుష్ప 2 మూవీ మరో 200 రోజుల్లో రానున్నట్లు ఆ ట్వీట్ లో చెప్పారు. “పుష్ప రాజ్ తన రూల్ ప్రారంభించడానికి మరో 200 రోజులే ఉంది. పుష్ప 2 ది రూల్ ప్రపంచవ్యాప్తంగా ఆగస్ట్ 15న ఘనంగా రిలీజ్ కాబోతోంది” అంటూ ఐకాన్ స్టార్ అల్లు అర్జున్, డైరెక్టర్ సుకుమార్, రష్మిక, దేవిశ్రీ ప్రసాద్ లను ట్యాగ్ చేశారు. పుష్ప కా రూల్ ఇన్ 200 డేస్ అనే హ్యాష్‌ట్యాగ్ ను కూడా మొదలుపెట్టారు.
తాజాగా మైత్రీ మూవీ మేకర్స్.. 200 రోజుల్లో పుష్ప అంటూ ఆగస్ట్ 15నే పుష్ప రూల్ మొదలవుతుందని చెబుతోంది. రిలీజ్ వాయిదాపై ఎన్ని పుకార్లు వస్తున్నా.. మేకర్స్ ఇస్తున్న హామీతో అల్లు అర్జున్ ఫ్యాన్స్ ఖుష్ అవుతున్నారు. పుష్ప మూవీ 2021, డిసెంబర్ 26న రిలీజైంది. ఇప్పటికే రెండేళ్లు దాటిపోయింది. సీక్వెల్ కోసం ఫ్యాన్స్ ఆతృతగా ఎదురు చూస్తున్నారు.
పుష్ప 2.. మరో 200 రోజుల్లో..
