బంగారం దొంగతనం కేసులో దొంగను పట్టుకున్న పోలీసులు

పులివెందుల
జనవరి 25వ తేదీ పులివెందుల పట్టణం కదిరి రోడ్డు సమీపంలో గల ఇంటిలో మహిళ ఒంటరిగా ఉండగా మాస్కు ధరించి కత్తి తీసుకొని వచ్చి ఒక గుర్తుతెలియని అగంతకుడు ఇంటిలోకి ప్రవేసించి కత్తి చూపించి మహిళపై దాడి చేసి ఆమె మెడలోని రెండు బంగారు గొలుసులని లాక్కొని అక్కడి నుండి పారిపోవడం జరిగిందని దీనిపై కేసు కూడా నమోదు చేయడం జరిగిందని డి ఎస్ పి వినోద్ కుమార్ తెలిపారు. ఈ సంఘటనపై ఆదివారం ఆయన విలేకరుల సమావేశంలోమాట్లాడుతూ ఈ దొంగతనం పై బాదిత మహిళ ఫిర్యాదు మేరకు పులివెందుల అర్బన్ స్టేషన్లో కేసు నమోదు చేయడం జరిగింది అని, కేసు నమోదు చేసిన అనంతరం సీసీ కెమెరాలు పరిశీలన చేయడం జరిగిందన్నారు.సాక్షుల విచారణ అనంతరం ఈ కేసులో నిందితుడి కొరకు పోలీసులు తీవ్ర గాలింపు చేయడం జరిగింది ఆయన పేర్కొన్నారు. అందులో భాగంగా ఆదివారం పులివెందుల మాకు రాబడిన సమాచారం మేరకు పులివెందుల పట్టణ సీఐ శంకర్ రెడ్డి , ఎస్సై అరుణ్ రెడ్డి సిబ్బంది ముద్దనూరు రింగ్ రోడ్ లో అనుమానాస్పదంగా తిరుగుతున్న ఒక వ్యక్తిని అదుపులోనికి తీసుకొని విచారించగా ఆ వ్యక్తి తన పేరు మల్లెల వెంకటేష్ అని, పులివెందుల పట్టణములో తాను గత నెల 25వ తేదీ కదిరి రోడ్లో ఇంటిలోకి ప్రవేశించి కత్తి చూపి బంగారు గొలుసులు లాక్కొని వెళ్లినట్టుగా నేరం ఒప్పుకోవడం జరిగినదిఅని తెలిపారు. అతనిని సోదా చేయగా దొంగలించబడిన రెండు గొలుసులను( 50 గ్రాముల) అతని వద్ద నుండి స్వాధీన పరుచుకోనడమైనదని తెలిపారు.