క‌మర్షియ‌ల్ మాస్ బ్లాక్‌బ‌స్ట‌ర్స్ ద‌ర్శ‌కుడు బోయపాటి శ్రీను, అగ్ర నిర్మాత ఏస్ ప్రొడ్యూసర్ అల్లు అర‌వింద్‌ల కాంబినేష‌న్స్ గురించి విన‌గానే బ్లాక్‌బ‌స్ట‌ర్ విజ‌యం ఖాయం అనిపిస్తుంది. 2016లో వీరిద్ద‌రి క‌ల‌యిక‌లో వచ్చిన సినిమా సరైనోడు. ఐకాన్‌స్టార్ అల్లు అర్జున్ హీరోగా ప్ర‌తిష్టాత్మ‌క నిర్మాణ సంస్థ గీతా ఆర్ట్స్ బ్యానర్‌లో నిర్మించిన ఈ భారీ ప్రాజెక్ట్ మూవీ ఎలాంటి విజ‌యం సాధించిందో అంద‌రికి తెలిసిందే. సుమారు రూ. 50 కోట్ల బడ్జెట్‌తో తెరకెక్కించి సరైనోడు మూవీకి దాదాపుగా రూ. 127 కోట్ల కలెక్షన్స్ వచ్చాయి. దీన్ని బట్టే అర్థం చేసుకోవచ్చు ఈ సినిమా ఎంతటి సక్సెస్ కొట్టిందో. అయితే తాజాగా ఈ బ్లాక్‌బ‌స్ట‌ర్ కాంబినేషన్‌లో మ‌రో భారీ ఎంట‌ర్‌టైన‌ర్ రాబోతుంది. ఇప్పుడా విషయం టాలీవుడ్‌లో ఆసక్తిగా మారింది.
సింహా, లెజండ్, సరైనోడు, భ‌ద్ర, తుల‌సి,అఖండ వంటి క‌మర్షియ‌ల్ బ్లాక్‌బ‌స్ట‌ర్ చిత్రాల‌ను తన అద్బుత‌మైన మాస్‌మేకింగ్ స్కిల్స్‌తో సినిమాలు తెరకెక్కించి మాస్ చిత్రాల‌కు కేరాఫ్ అడ్ర‌స్‌గా నిలిచిన బోయపాటి శ్రీను, ఎన్నో అఖండ విజ‌యాలు సొంతం చేసుకున్న గొప్ప నిర్మాణ సంస్థ గీతా ఆర్ట్స్ అధినేత అల్లు అరవింద్ కాంబినేషన్ అన‌గానే సినీ ప్రేమికుల్లో ఎంతో ఆసక్తి కలుగుతుంది.
త్వరలో బోయపాటి శ్రీను, అల్లు అరవింద్ కాంబినేషన్‌లో సినిమా వస్తున్నట్లు అధికారికంగా ప్రకటించింది గీతా ఆర్ట్స్ సంస్థ. “మాసివ్ ఫోర్సెస్ ఒక్కటి అవుతున్నాయి. ఏస్ ప్రొడ్యూసర్ అల్లు అరవింద్, బ్లాక్ బస్టర్ డైరెక్టర్ బోయపాటి శ్రీను మ్యాజికల్ మాస్ కాంబో మళ్లీ వచ్చేస్తోంది. త్వరలో అదిరిపోయే అప్డేట్స్ ఇస్తాం” అంటూ గీతా ఆర్ట్స్ సంస్థ తమ ట్విటర్‌లో పోస్ట్ చేసింది. ఈ ట్వీట్‌లో గీతా ఆర్ట్స్ ఆఫీస్‌లో బోయపాటి శ్రీను, అల్లు అరవింద్ చెరోవైపు నిల్చుని ఉన్న ఫొటో ఉంది.
ప్రస్తుతం సోషల్ మీడియాలో ఈ ట్వీట్, ఈ న్యూస్ తెగ వైరల్ అవుతోంది. దీంతో మరి ఈ కాంబినేషన్‌లో వచ్చే సినిమాలో హీరో ఎవరా అని నెటిజన్స్ చర్చించుకుంటున్నారు. బోయపాటి శ్రీనుతో సినిమా చేసే హీరో ఎవరనేది హాట్ టాపిక్‌గా మారింది.
బోయపాటి-అల్లు కాంబోలో భారీ ప్రాజెక్ట్
