ఆకట్టుకున్న జ్యోతిర్లింగాల ప్రదర్శన
తుని:తుని పరిసర ప్రాంతాల్లో మహాశివరాత్రి వేడుకలు ఘనంగా జరిగాయి. శైవ క్షేత్రాలు భక్తులతో కిటకటలడాయి. వేకువ జామున నుంచే పట్నంలోని శివాలయాలు భక్తులు పోటెత్తారు. మహాదేవుడికి అభిషేకాలు ప్రత్యేక పూజలు నిర్వహించారు. కట్రాల కొండ పరిసరాలు శివ భక్తులతో కళకళలాడాయి. ఈశ్వరి బ్రహ్మకుమారి ఆధ్వర్యంలోని ఆశ్రమంలో 88వ త్రిమూర్తి శివ జయంతి ని పురస్కరించుకొని ద్వాదశ జ్యోతిర్లింగాల ప్రదర్శన ఏర్పాటు చేశారు. మాజీ ఎమ్మెల్యే రాజా అశోక్ బాబు, రాష్ట్ర తెలుగుదేశం ఆర్గనైజింగ్ కార్యదర్శి యనమల కృష్ణుడు దైవ దర్శనం చేసుకుని పూజలు నిర్వహించారు.
