బాబీ డియోల్ బర్త్ డే సందర్భంగా ఈరోజు సినిమా నుంచి ఆయన ఫస్ట్ లుక్ రిలీజ్ చేశారు. ఇక ఫస్ట్ లుక్ తోనే భయపెట్టేసాడు బాబీ డియోల్. ‘యానిమల్’ సినిమాతో విలన్ గా భారీ క్రేజ్ తెచ్చుకున్నాడు బాలీవుడ్ యాక్టర్ బాబీ డియోల్. గత ఏడాది చివర్లో రిలీజ్ అయిన ఈ సినిమా ఎలాంటి సెన్సేషన్ క్రియేట్ చేసిందో తెలిసిందే. యానిమల్ సక్సెస్ తో బాబి డియోల్ కి సౌత్ లో వరుస అవకాశాలు వస్తున్నాయి. ఈ క్రమంలోనే కోలీవుడ్ స్టార్ హీరో సూర్య హీరోగా నటిస్తున్న ‘కంగువా’ సినిమాలో మరోసారి విలన్ రోల్ చేస్తున్నారు.
సినిమాలో బాబి డియోల్ ‘ఉదిరన్’ పాత్రలో కనిపించబోతున్నాడు. పోస్టర్ లో అతని గెటప్ మరింత భయంకరంగా ఉంది. గుబురు గడ్డం, పొడవాటి జుట్టు దానిపై జింక కొమ్ములు తగిలించుకొని ఆడవాళ్ళ మధ్య ఉన్న బాబీ డియోల్ లుక్ సినిమా పైనే అంచనాలను పెంచేసింది.ఈరోజు బాబీ డియోల్ బర్త్ డే సందర్భంగా సినిమా నుంచి ఆయన ఫస్ట్ లుక్ రిలీజ్ చేశారు. ఇక ఫస్ట్ లుక్ తోనే భయపెట్టేసాడు బాబీ డియోల్. సినిమాలో అతను ఎంత క్రూరంగా ఉంటాడనేది లుక్ ద్వారానే చూపించే ప్రయత్నం చేశారు.
యానిమల్ లో స్టైలిష్ వైలెంట్ విలన్ గా అదరగొట్టిన బాబి డియోల్ ఈసారి కంగువాలో ‘ఉదిరన్’ గా తన క్రూరత్వంతో మరింత భయపెట్టడం గ్యారెంటీ అని చెప్పొచ్చు. సినిమాలో సూర్య మెకోవరే డిఫరెంట్ గా ఉందని అనుకుంటే అంతకుమించి బాబి డియోల్ లుక్ ని డిజైన్ చేశారు.సూర్య కెరీర్ లోనే అత్యంత భారీ బడ్జెట్లో రూపొందుతున్న ఈ చిత్రాన్ని ఏకంగా 38 భాషల్లో విడుదల చేయబోతున్నారు. తమిళ మాస్ దర్శకుడు శివ తెరకెక్కిస్తున్న ఈ చిత్రంలో సూర్య ఆరు విభిన్న తరహా పాత్రల్లో కనిపించబోతున్నాడు.
మరోసారి భయపెట్టేలా బాబీ డియోల్
