వాస్తు జ్యోతిష్య పండితునికి ఉగాది పురస్కారం

జగ్గంపేట :NS Live Astro pvt. Ltd.. అనే అంతర్జాతీయ సంస్థ వారి ఆధ్వర్యం లో అర్హత కలిగిన వాస్తు,జ్యోతిష్య పండితులకు తెలుగు సంవత్సరాది అయిన ఉగాది సందర్భం గా పురస్కారములు అందజేయడం జరుగుతుంది. దీనిలో భాగంగా ఈ సంవత్సరం ఉగాది పురస్కారం ప్రధానోత్సవాలలో భాగంగా తూర్పుగోదావరి జిల్లా మన జగ్గంపేట గ్రామానికి చెందిన  వాస్తు,జ్యోతిష్య పండితులు, పురోహితులు,గురుస్వామి,అఖిల భారత అయ్యప్ప సేవా సంఘం పర్యవేక్షకులు, అర్చక,పురోహిత విభాగ రాష్ట్ర ప్రధాన కార్యదర్శి,జ్యోతిష్య రత్న అయిన మామిళ్లపల్లి అయ్యప్ప గారిని “జ్యోతిష్య శిరోమణి”. అనే బిరుదును ప్రదానం చేసి సత్కారం చేయడానికి ఎన్నిక చేసినట్టు ఆ సంస్థ అధినేత డాక్టర్.N.S. నరసింహ స్వామి గారి ద్వారా సమాచారం అందినట్టు శ్రీ మామిళ్లపల్లి అయ్యప్ప తెలియచేశారు.మార్చి 10 వ తారీఖున లలిత కళా క్షేత్రం,పొట్టి శ్రీరాములు తెలుగు యూనివర్సిటీ,హైదరాబాద్ తెలంగాణా నందు ఈ బహుమతి ప్రదానోత్సవంచేసి,ప్రశంసాపత్రం అందజేయడం జరుగుతుందని నిర్వాహకులు తెలియచేసినట్టు తెలిపారు.ఈ అవార్డుకు ఎంపిక అయినందుకు తల్లితండ్రులు మామిళ్లపల్లి రామకృష్ణ,రాధాదేవి దంపతులకు,అలాగే జ్యోతిష్య,వాస్తు విద్య ను నేర్పిన తమ గురువులకు ధన్యవాదములు తెలియచేశారు.