ఎమ్మెల్యేగా మోహిత్ ను ఆశీర్వదించాలని విజ్ఞప్తి
- గడప గడపకు రెండవ రోజు పర్యటించిన చెవిరెడ్డి లక్ష్మీ
తిరుపతి రూరల్
చంద్రగిరి ఎమ్మెల్యే చెవిరెడ్డి భాస్కర్ రెడ్డి సతీమణి చెవిరెడ్డి లక్ష్మీకి వేదాంతపురం పంచాయతీలో ఆత్మీయ పలకరింపు లభించింది. ఎమ్మెల్యే చెవిరెడ్డి చేసిన మేలును వివరిస్తూ.. ఇంకా చేయాల్సిన పనులను తెలుసుకుని తన బిడ్డ మోహిత్ రెడ్డిని ఎమ్మెల్యేగా ఆశీర్వదించాలని కోరేందుకు వచ్చిన ఆమెకు స్థానిక ప్రజలు సాదర స్వాగతం పలికారు.
తిరుపతి రూరల్ మండలం వేదాంతపురం పంచాయతీ పరిధిలో రెండవ రోజైన శుక్రవారం చెవిరెడ్డి లక్ష్మీ పర్యటించారు. గడప గడపకు వెళ్లి సంక్షేమ పథకాలు, అభివృద్ధి పనుల గురించి వివరించారు. తండ్రికి తగ్గ తనయుడుగా జనం ముందుకు వచ్చిన తన బిడ్డ చెవిరెడ్డి మోహిత్ రెడ్డిని ఎమ్మెల్యేగా ఆశీర్వదించాలని విజ్ఞప్తి చేయగా స్థానిక ప్రజల నుంచి సానుకూలత వ్యక్తమైంది.
కరోనా సమయంలో ఎమ్మెల్యే చెవిరెడ్డి చేసిన చేసిన మేలును తలుచుకున్న కొంత మంది మహిళలు, వయోవృద్ధులు తప్పకుండా చెవిరెడ్డి బిడ్డ మోహిత్ రెడ్డికి ఓటు వేసి రుణం తీర్చుకుంటామని మాట ఇచ్చారు. యువకుడు, చదువుకున్న వ్యక్తి, పెద్దల పట్ల గౌరవం కలిగిన చెవిరెడ్డి మోహిత్ రెడ్డి ప్రజా జీవితంలోకి వచ్చినందున తమకు అంతా మంచే జరుగుతుందని విశ్వసిస్తున్నట్లు పలువురు మహిళలు తమ మనసులో మాటను బహిర్గతం చేశారు. ఈ కార్యక్రమంలో స్థానిక ప్రజా ప్రతినిధులు, పార్టీ నేతలు, కార్యకర్తలు, మహిళలు పెద్ద ఎత్తున పాల్గొన్నారు.