వికలాంగులకు అన్నదానం
పులివెందుల :బ్రిటిష్ సామ్రాజ్యాన్ని గడగడలాడించి, స్వాతంత్ర ఉద్యమానికి ఊపిరిలూదిన తొలిస్వాతంత్ర సమర యోధుడు, రెడ్డిజాతి ముద్దుబిడ్డ శ్రీఉయ్యాలవాడ నరసింహారెడ్డి గారి 218వ జయంతి సందర్భంగా, పులివెందుల పట్టణం లోని ముద్దనూరు రోడ్డు నాలుగు రోడ్ల కూడలిలో ఉయ్యాలవాడ నరసింహా రెడ్డి జయంతి వేడుకలను రెడ్డి కమ్యూనిటీ డెవ లప్మెంట్ సొసైటీ అధ్యక్షులు యర్రపు రెడ్డి సురేంద్ర రెడ్డి ఆధ్వర్యంలో ఘనంగా నిర్వహించారు. ఈ కార్యక్రమానికి మాజీ మార్కెట్ యార్డ్ చైర్మన్ సర్వోత్తమ్ రెడ్డి, మాజీ డైరెక్టర్ గంగాధర, మాజీ చైర్మన్ చిన్నప్ప, కోడి రమణ, మాజీ చైర్మన్ రసూల్ హాజరై ఆయన చిత్రపటానికి పూలమాల వేసి ఘన నివాళులు అర్పించారు. ఈ సందర్భంగా సురేంద్ర రెడ్డి మాట్లాడుతూ బ్రిటిష్ సామ్రాజ్యాన్ని గడగడలా డించి న ఏకైక వీరుడు ఉయ్యాలవాడ నరసింహా రెడ్డి అన్నారు. అనంతరం పట్టణంలోని అంధుల ఆశ్రమంలో వారు అన్నదాన కార్యక్రమాన్నినిర్వహిం చారు.ఈ కార్యక్రమంలో రాష్ట్ర కార్యదర్శి వంతు నాగేశ్వర్ రెడ్డి, కల్లూరు నిరంజన్ రెడ్డి, గంగిరెడ్డి, మాచిరెడ్డి చంద్రమోహన్ రెడ్డి, సుబ్బారెడ్డి, చప్పిడి జగదీశ్వర్ రెడ్డి, శంకర్ రెడ్డి తదితరులు పాల్గొన్నారు.