300 కోట్ల క్లబ్ లో ‘హను మాన్’

హీరోగా ఒకటి రెండు సినిమాలు చేసిన తేజ సజ్జా, ప్రశాంత్ వర్మ దర్శకత్వంలో ‘హను మాన్’ సినిమా చేశాడు. జనవరి 12వ తేదీన థియేటర్లకు వచ్చిన ఈ సినిమా, 100 కోట్ల క్లబ్ లోకి చేరడానికి మూడు రోజులకు మించి పట్టలేదు. అలాంటి ఈ సినిమా నిన్నటితో 25 రోజులను పూర్తిచేసుకుంది. ఈ 25 రోజులలో ఈ సినిమా ప్రపంచవ్యాప్తంగా 300 కోట్ల గ్రాస్ ను వసూలు చేసింది. ఈ విషయాన్ని తెలియజేస్తూ ఈ సినిమా టీమ్ అధికారిక పోస్టర్ ను రిలీజ్ చేసింది.