చంద్రగిరి:
చిత్తూరు జిల్లా బాయ్స్ అండ్ గర్ల్స్ క్రికెట్ అసోసియేషన్ వారి ఆధ్వర్యంలో 2024 – 2025 క్రికెట్ సీజన్ కు సంబంధించి మహిళా క్రికెటర్ల ఎంపిక ప్రక్రియను ఈనెల 23వ తేదీ జరుపుతున్నట్లు అసోసియేషన్ అధ్యక్షులు ఎం. శ్రీనివాసులు సోమవారం ఒక ప్రకటనలో తెలిపారు. తిరుపతి రూరల్ మండలం తుమ్మలగుంటలోని వైఎస్ఆర్ క్రికెట్ గ్రౌండ్ లో ఎంపిక ప్రక్రియ జరుగుతుందన్నారు. సీనియర్ (యువతులు) మరియు అండర్ 19 (బాలికలు)కు ఎంపిక నిర్వహించనున్నారు. సీనియర్లకు ఏలాంటి వయోపరిమితి లేదని, అండర్ 19 బాలికలకు మాత్రం 01-09-2005 నుండి 01-09-2009లోపు పుట్టిన వారు మాత్రమే అర్హులవుతారన్నారు. అలాగే అండర్ 15 కు ఎంపిక చేసే సమయానికి 01-09-2009 నుంచి 01-09-2013లోపు జన్మించిన వారు అర్హులుగా పరిగణిస్తున్నట్లు తెలిపారు. ఎంపిక సమయంలో అండర్ 19, అండర్ 15 బాలికలు ఆధార్ కార్డు, జనన ద్రువీకరణ పత్రం తప్పకుండా తీసుకురావాలన్నారు. ఈనెల23 వ తేదీన ఉదయం 8 గంటలకు తమ సొంత క్రీడా సామాగ్రితో పాటు తెల్ల దుస్తులు ధరించి రావాలని సూచించారు. ఇతర వివరాలకు ఆర్.కె. మురుగన్ 9849026131, చిన్నబాబు 7981880381లను సంప్రదించాలని ఆయన సూచించారు.
23వతేదీన తుమ్మల గుంటలో క్రికెట్ సెలక్షన్స్..!
