‘మంజుమ్మెల్ బాయ్స్’కు.. ఇళయరాజా లీగల్ నోటీసులు

లేటెస్ట్ మలయాళం సెన్సేషన్ ..మంజుమ్మెల్ బాయ్స్ సినిమా ..చిక్కుల్లో పడింది. డైరక్టర్ కు ఇళయరాజా లీగల్ నోటీసులు పంపారు. ఈ మూవీ సక్సస్ కు గుణ కేవ్స్ ఓ రీజన్ అయితే ..ప్రియతమా నీవచట కుశలమా ..పాట మరో రీజన్.తన అనుమతి లేకుండా ‘మంజుమ్మెల్ బాయ్స్’లో తన పాటను ఉపయోగించడం మ్యూజిక్ మేస్ట్రోకు నచ్చలేదు. కనీసం ఓ మాట కూడా చెప్పకుండా ఇలా పాటను మీ సినిమా కు వాడేసుకోవడం అస్సలు బాలేదని ఫీలయ్యి లీగల్ నోటీసులు పంపారు. ‘గుణ’లోని కమ్మని ఈ ప్రేమలేఖనే పాటను ఉపయోగించుకోవడం కోసం ఆ పాట ఆడియో రైట్స్ ఉన్న మ్యూజిక్ కంపెనీ దగ్గర అనుమతి తీసుకున్నారు ‘మంజుమ్మెల్ బాయ్స్’ మేకర్స్. పర్సనల్‌గా ఇళయరాజాను ఈ విషయం అడగకపోయినా మ్యూజిక్ కంపెనీతో ఒప్పందం చేసుకున్నారు కాబట్టి ఏ సమస్య రాదనే నమ్మకంతో వారు ఆ పాటను సినిమాలో పలుమార్లు ఉపయోగించుకున్నారు. కొన్ని రోజుల క్రితమే ‘మంజుమ్మెల్ బాయ్స్’ సినిమా ఓటీటీలో కూడా వచ్చేసింది. ఒకవేళ ఇళయరాజా.. లీగల్ పరంగాగెలిస్తే.. ఓటీటీలో ప్రసారమవుతున్న ఈ సినిమాలోని పాటను కూడా మ్యూట్ చేయవలసి ఉంటుంది. అప్పుడు మూవీలోని సోల్ మిస్ అవుతుంది. దీంతో ‘మంజుమ్మెల్ బాయ్స్’ మేకర్స్ త్వరగా ఈ సమస్యపై స్పందించాలని మూవీ ఫ్యాన్స్ కోరుకుంటున్నారు. అసలు స్టోరీ లో ఈ పాట వినే…వాళ్లు గుణ కేవ్స్ కు వెళ్లారు. కథ అక్కడే మొదలయ్యింది. ఒక వేళ కాని ఇళయరాజా కేసు గెలిస్తే ఓటీటీలో కూడా సాంగ్ మ్యూట్ చేయాల్సి ఉంది.