నెల్సన్‌తో అల్లు అర్జున్ సినిమా.. పుష్ప-2 తర్వాత ప్రారంభం

తమిళ దర్శకుడు నెల్సన్ దిలీప్‌కుమార్‌తో స్టైలిష్ స్టార్ అల్లు అర్జున్‌ సినిమా త్వరలో ప్రారంభం కానుంది. ‘జైలర్ 2’ కోసం తన పనిని పూర్తి చేసి బన్నీ కోసం నెల్సన్ సిద్ధం అవుతున్నట్లు తెలుస్తోంది. ఈ క్రేజీ ప్రాజెక్ట్ కోసం ఈ సంవత్సరం చివరి నుండి ఈ ఇద్దరు కలిసి పని చేస్తారని తెలుస్తోంది. ‘జైలర్’ భారీ విజయం తర్వాత, నెల్సన్ హైదరాబాద్‌లో అల్లు అర్జున్‌తో భేటీ అయ్యాడు. ఈ సందర్భంగా స్టోరీ చెప్పినట్లు తెలుస్తోంది. బన్నీ వెంటనే కథకు అంగీకరించినట్లు తెలుస్తోంది.నెల్సన్ ఒక ప్రత్యేకమైన నేపథ్యంతో తగినంత యాక్షన్, వినోదంతో కూడిన ఆసక్తికరమైన కథను వివరించాడని తెలుస్తోంది. అల్లు అర్జున్ ‘పుష్ప’ తర్వాత భారతదేశం అంతటా పాపులారిటీ సంపాదించినందున ఇది పాన్-ఇండియా ఎంటర్‌టైనర్‌గా రూపొందించబడుతుంది.’పుష్ప2′ తర్వాత అతని క్రేజ్ మరింత పెరిగే అవకాశం వుంది. బన్నీ ఇతర ప్రాజెక్ట్‌ల కంటే ముందు నెల్సన్ సినిమా చేయబోతున్నాడని ఫిలిమ్ వర్గాల సమాచారం. గతంలో అల్లు అర్జున్‌తో బ్లాక్‌బస్టర్ ‘రేసుగుర్రం’ చిత్రాన్ని నిర్మించి, అల్లు అర్జున్‌ని కొత్త కోణంలో చూపించిన నల్లమల్లపు బుజ్జి ఈ భారీ చిత్రాన్ని నిర్మించనున్నట్లు సమాచారం.