ప్రారంభమన ఆకాష్ జగన్నాథ్ యాక్షన్ ఎంటర్ టైనర్ తల్వార్

పూరి జగన్నాథ్ కొడుకు ఆకాష్ జగన్నాథ్ హీరోగా నటిస్తున్న యాక్షన్ ఎంటర్‌టైనర్ చిత్రం “తల్వార్” హైదరాబాద్‌లో పూజా కార్యక్రమాలతో లాంఛనంగా ప్రారంభమైంది. ఈ సినిమాను వార్నిక్ స్టూడియోస్ బ్యానర్‌పై భాస్కర్ ఇ.ఎల్.వి నిర్మిస్తున్నారు, మరియు కొత్త దర్శకుడు కాశీ పరశురామ్ ఈ చిత్రాన్ని రూపొందిస్తున్నారు.హైదరాబాద్‌లో జరిగిన ఈ ప్రారంభోత్సవ కార్యక్రమంలో టాలీవుడ్ ప్రముఖులు పాల్గొన్నారు. ప్రముఖ రచయిత విజయేంద్ర ప్రసాద్ ముహూర్తపు సన్నివేశానికి క్లాప్ ఇచ్చారు, హీరో కార్తికేయ స్క్రిప్ట్ హ్యాండోవర్ చేయగా, డైరెక్టర్ బాబీ కెమెరా స్విచ్చాన్ చేశారు. డైరెక్టర్ బుచ్చిబాబు సాన ఫస్ట్ షాట్ డైరెక్షన్ చేశారు. ఈ చిత్రం త్వరలోనే రెగ్యులర్ షూటింగ్ ప్రారంభించుకోనుంది, ఇందులో భారీ తారాగణం నటించబోతున్నట్లు తెలుస్తోంది. వారి వివరాలను త్వరలో అధికారికంగా ప్రకటించనున్నారు.