రామచంద్రపురం :దేశనాయకులు, స్వాతంత్ర్య సమరయోధులు, భరతమాత ముద్దుబిడ్డలైన మహాత్మా గాంధీ,లాల్ బహదూర్ శాస్త్రి జయంతిని పురస్కరించుకుని మోడరన్ విద్యాసంస్థల ప్రాంగణంలో ఘనంగా నిర్వహించారు. ఈ సందర్భంగా మోడరన్ విద్యాసంస్థల అధినేత డాక్టర్ లయన్ జి.వి.రావు ఇరువురి మహానీయుల చిత్రపటాలకు పూలమాలలు వేసి ఘనంగా నివాళులర్పించారు.అనంతరం రావు మాట్లాడుతూ వందల ఏళ్లుగా బ్రిటిష్ వాళ్ళ పాలనలో నలిగిపోయిన భారతీయులకు స్వాతంత్ర్యాన్ని తీసుకుని రావటంలో గాంధీజీ, శాస్త్రీజీ పాత్ర చిరస్మరణీయమని ఈసంధర్బంగా కొనియాడారు. నేటి యువత ఇటువంటి మహానీయుల బోధనలు స్వీకరించాలని రావు పిలుపునిచ్చారు. అనంతరం ప్రధాని నరేంద్ర మోడీ ప్రవేశపెట్టిన స్వచ్ఛతహీసేవ ముగింపు కార్యక్రమం నిర్వహించారు.ఈ సందర్బంగా రావు మాట్లాడుతూ ప్రధాని నరేంద్ర మోడీ పిలుపుమేరకు స్వచ్ఛతహీ సేవా కార్యక్రమాన్ని విజయవంతం చేసిన ప్రతి ఒక్కరికి అభినందనలు తెలియజేస్తున్నట్లు పేర్కొన్నారు. ప్రధాని నరేంద్ర మోడీ ప్రపంచ స్థాయి నాయకుడని ప్రస్తుతించారు. ఈ కార్యక్రమంలో మోడరన్ హైస్కూల్ హెడ్మాస్టర్ ఎంచిట్టిబాబు,మోడరన్ సిబ్బంది,విద్యార్థులు పాల్గొన్నారు.
