పాల్గొన్న ఆల్ ఇండియా ఫుట్‌బాల్ ఫెడరేషన్ అధ్యక్షుడు కళ్యాణ్ చౌబే, జాయింట్ కలెక్టర్ శివ్ నారాయణ్ శర్మ, ప్రముఖులు
అనంతపురము ఆంధ్రప్రదేశ్ ఫుట్‌బాల్ అసోసియేషన్ (ఏపీ ఎఫ్ ఏ) ఆధ్వర్యంలో శుక్రవారం జాతీయ సంతోష్ ట్రోఫీ ఫుట్‌బాల్ టోర్నమెంట్ 2024ను నగరంలోని ఆర్డీటీ స్టేడియంలో ఘనంగా ప్రారంభించారు. సంతోష్ ట్రోఫీ ఫుట్‌బాల్ టోర్నమెంట్ ప్రారంభోత్సవ వేడుకలో ఆల్ ఇండియా ఫుట్‌బాల్ ఫెడరేషన్ అధ్యక్షుడు కళ్యాణ్ చౌబే, జాయింట్ కలెక్టర్ శివ్ నారాయణ్ శర్మ, తదితరులు పాల్గొన్నారు. ఈ సందర్భంగా కళ్యాణ్ చౌబే మాట్లాడుతూ, భారతదేశం అంతటా, ముఖ్యంగా ఆంధ్రప్రదేశ్‌లో ఫుట్‌బాల్ క్రీడను ఉన్నతీకరించడానికి కృషి చేస్తామన్నారు.
రాష్ట్రంలో ఫుట్‌బాల్ మౌలిక సదుపాయాలను మరింతగా పెంపొందించేందుకు, ప్రతిభ అభివృద్ధికి పాటుపడేందుకు కృషి చేస్తామని హామీ ఇచ్చారు. ఈ సందర్భంగా జాయింట్ కలెక్టర్ శివ్ నారాయణ్ శర్మ మాట్లాడుతూ, సంతోష్ ట్రోఫీ ఫుట్‌బాల్ టోర్నమెంట్ ను జిల్లాలో నిర్వహించడం పట్ల చాలా సంతోషంగా ఉందన్నారు. ఫుట్‌బాల్ టోర్నమెంట్ ను ప్రతిష్టాత్మకంగా నిర్వహించాలని, ఇందుకు తమ సహకారం అందిస్తామన్నారు. ఈ ప్రతిష్టాత్మక టోర్నమెంట్‌ను విజయవంతం చేయడానికి సహకరించిన ప్రతి ఒక్కరికీ ఏపీ ఫుట్‌బాల్ అసోసియేషన్ కోటగిరి శ్రీధర్, ఏపీ ఫుట్‌బాల్ అసోసియేషన్ ప్రధాన కార్యదర్శి డేనియల్ ప్రదీప్, కృతజ్ఞతలు తెలిపారు. ఈ కార్యక్రమాన్ని నిర్వహించడంలో పాలుపంచుకున్న అధికారులు, స్పాన్సర్లు, వాలంటీర్లందరికీ అసోసియేషన్ తరపున హృదయ పూర్వక కృతజ్ఞతలు తెలిపారు.
ఈ కార్యక్రమంలో మాజీ ఎంపీ, ఆంధ్రప్రదేశ్ ఫుట్‌బాల్ అసోసియేషన్ కోటగిరి శ్రీధర్, ఏపీ ఫుట్‌బాల్ అసోసియేషన్ ప్రధాన కార్యదర్శి డేనియల్ ప్రదీప్, కోశాధికారి విజయ్ కుమార్, పిఆర్ఓ అడ్వ.దీపక్ దయానందన్, క్రీడాకారులు, ఏపీ ఎఫ్ ఏ అధికారులు సిబ్బంది, తదితరులు పాల్గొన్నారు.
