సత్యం అహింసా మార్గంలో నడవండి డా. చప్పిడి

రామచంద్రపురం

ప్రతీఒక్కరూ సత్యం అహింసా మార్గంలో పయనించాలని డాక్టర్ చప్పిడి వెంకటేశ్వరరావు అన్నారు. ఈమేరకు
కాకినాడ స్థానిక గాంధీనగర్ అలయన్స్ క్లబ్ అఫ్ స్వాతి హెల్పింగ్ హాండ్స్ వారి ఆధ్వర్యంలో క్లబ్ అధ్యక్షులు అలై కిరణ్ కుమార్ అధ్యక్షతన గాంధీ జయంతి వేడుకలను నిర్వహించారు. ఈ కార్యక్రమానికి ముఖ్య అతిధిగా అలయన్స్ క్లబ్స్ ఇంటర్నేషనల్ కమిటీ చైర్మన్, తెలుగుదేశం పార్టీ రాష్ట్ర ఆరోగ్యవిభాగ కార్యనిర్వాహక కార్యదర్శి అలై డా. చప్పిడి వెంకటేశ్వరరావు, విశిష్ట అతిధిగా డిస్ట్రిక్ట్ 106 పూర్వ గవర్నర్ అలై కొవ్వూరి మునిరెడ్డి, గౌరవ అతిధిగా క్లబ్స్ వైస్ గవర్నర్ అలై వనుం శ్రీనివాస్ పాల్గొన్నారు ఈ సందర్బంగా డా. చప్పిడి మాట్లాడుతూ ప్రతి ఒక్కరు సత్యం,అహింసా మార్గంలో నడవాలని అన్నారు జాతిపిత మహాత్మా గాంధీ అహింసా మార్గంలో బ్రిటిష్ వారితో స్వాతంత్ర పోరాటం చేసారని ప్రస్తుత కాలంలో యువత ఎక్కువగా చెడు అలవాట్లకు బానిసలై ప్రక్కదారి పడుతున్నారని మనదేశంకోసం పోరాటం చేసి ప్రాణాలు అర్పించిన గాంధీ మహాత్ముడు అలాగే ఎందరో స్వతంత్ర సమరయోధుల జీవిత చరిత్ర ప్రతిఒక్కరూ తెలుసుకుని దేశం పట్ల, సమాజం పట్ల గౌరవ భావం కలిగి ఉండాలని కోరారు. ఈ సందర్బంగా మునిరెడ్డి మాట్లాడుతూ మహాత్మా గాంధీ అంతటి గొప్ప వ్యక్తి ప్రపంచంలోనే ఎవ్వరు లేరని వారి జీవితం ఎందరికో ఆదర్శం అని అన్నారు. శ్రీనివాస్ మాట్లాడుతూ తల్లితండ్రులు పిల్లలకు చిన్నతనం నుండే దేశనాయకుల చరిత్రను గూర్చి అవగాహన కల్పించాలని అన్నారు. అనంతరం గాంధీ విగ్రహానికి పూలమాల వేసి నివాళులు అర్పించారు. కార్యక్రమంలో క్లబ్ కార్యదర్శి అలై పెంకే గోవిందరాజు, మెర్లో మెంబర్ అలై సి. హెచ్ వరప్రసాద్, జెడ్ సి అలై దుర్గా సుభద్ర, అలై గణేష్, అలై మణికంఠ అలై నీలపాల శ్రీనివాస్, అలై మద్దా వికాష్ తదితరులు పాల్గొన్నారు.