తుని
కాకినాడ జిల్లా తుని జాతీయ రహదారిపై జరిగిన రోడ్డు ప్రమాదంలో 15 మంది క్షతగాత్రులు అయ్యారు. ఆర్టీసీ బస్సును లారీ ఢీకొనడంతో ఈ సంఘటన జరిగింది. బుధవారం జరిగిన ఈ సంఘటన సంబంధించిన వివరాలు ఇలా ఉన్నాయి. రాజమహేంద్రవరం నుంచి తుని వస్తున్న ఆర్టీసీ పల్లె వెలుగుల బస్సు తుని పట్టణంలోకి ప్రవేశించించేందుకు వెలమ కొత్తూరు జంక్షన్ వద్ద జాతీయ రహదారిని క్రాస్ చేస్తుండగా విశాఖపట్నం నుంచి రాజమండ్రి వైపు అతివేగంగా వెళుతున్న లారీ, బస్సు ఢీ కొట్టింది.
దీంతో పల్లె వెలుగుల బస్సు సర్వీస్ రోడ్డు డివైడర్ వైపు దూసుకెళ్లింది. ఈ సమయంలో బస్సులో 40 మంది ప్రయాణిస్తున్నట్లు సమాచారం. ఘటనలో 15 మంది గాయపడ్డారు. వీరిని స్థానిక ఏరియా ఆసుపత్రికి వైద్య పరీక్షలు చేయించారు. తుని రూరల్ పోలీసులు కేసు నమోదు చేసి దర్యాప్తు చేస్తున్నారు