చంద్రగిరి:
చంద్రగిరి మండలం, తొండవాడ పంచాయతీ లో గడపగడపకు మన ప్రభుత్వ కార్యక్రమం సర్పంచ్ మల్లం దీపికా రెడ్డి, నరసింగాపురం సింగల్ విండో చైర్మన్ మల్లం చంద్రమౌళి రెడ్డి ఆధ్వర్యంలో నిర్వహించారు. ఈ కార్యక్రమానికి ముఖ్యఅతిథిగాచెవిరెడ్డి హార్షిత్ రెడ్డి పాల్గొని ప్రతి ఇంటికీ వెళ్లి జగనన్న సంక్షేమ పథకాల గురించి వివరిస్తూ.. వచ్చే ఎన్నికల్లో ఎమ్మెల్యేగా జనం ముందుకు వచ్చిన తన అన్నయ్య చెవిరెడ్డి మోహిత్ రెడ్డిని ఎమ్మెల్యేగా గెలిపించాలంటూ అభ్యర్థించారు.ఎమ్మెల్యే చెవిరెడ్డి భాస్కర్ రెడ్డి ప్రతిపక్షంలో ఉన్నా.. అధికారంలో ఉన్నా.. అనునిత్యం చంద్రగిరి ప్రజల సంక్షేమం కోసం కృషి చేశారని, కరోనా వంటి కష్టం వచ్చినా,వరదలు వంటి విపత్తు వచ్చినా, నేనున్నాని అండగా నిలిచారంటూ గుర్తు చేశారు. చెవిరెడ్డి చేసిన మేలుకు రుణం తీర్చుకోవాలంటే ఆయన బిడ్డను ఎమ్మెల్యేగా చేయడం ఒక్కటే తమకున్న అవకాశం అంటూ పలువురు మహిళలు వెల్లడించారు.
ఎమ్మెల్యే చెవిరెడ్డి భాస్కర్ రెడ్డి కుమారునిగానే కాకుండా ప్రజా సమస్యలు పట్ల సత్వర చర్యలు తీసుకునే మంచి మనస్సు కలిగిన మోహిత్ రెడ్డి విజయం తథ్యమంటూ కొంత మంది మహిళలు దీవెనలు అందించారు. ఈ కార్యక్రమం లో స్థానిక ప్రజా ప్రతినిధులు, పార్టీ నేతలు, కార్యకర్తలు, అధికారులు పాల్గొన్నారు.