“మా మద్దతు జగనన్నకే.. మా ఓటు ఫ్యాన్ గుర్తుకే”

కదిరి :తాను ఎన్నికల ప్రచారానికి ఎక్కడికి వెళ్లినా ప్రజలు సానుకూలంగా స్పందిస్తూ “మా మద్దతు జగనన్నకే..మా ఓటు ఫ్యాన్ గుర్తుకే” అంటున్నారని కదిరి అసెంబ్లీ వైసీపీ అభ్యర్థి బి.యస్ మక్బూల్ పేర్కొన్నారు. ఆదివారం మున్సిపల్ వైస్ చైర్మన్ అజ్జుకుంట రాజశేఖర్ రెడ్డి ఆధ్వర్యంలో ఎన్నికల ప్రచారంలో ఆయన పాల్గొన్నారు. ఉదయం 7 గంటలకే జీవిమాని సర్కిల్, ఆర్టీసీ బస్టాండ్ పరిసరాలలో నిర్వహించిన ఎన్నికల ప్రచారంలో పాల్గొని వైసీపీ ప్రభుత్వం చేపట్టిన సంక్షేమ పథకాల గురించి వివరించారు. బస్టాండ్ ఆవరణలోని స్థానిక ఓటర్లతో పాటు, తోపుడు బండ్ల వ్యాపారస్తులు, హోటల్లు, కిరాణా షాపు యజమానులు ఇలా ప్రతి ఒక్కరితో మమేకమవుతూ ఫ్యాన్ గుర్తుకు ఓట్లు వేసి, వేయించి గెలిపించాలని అభ్యర్థించారు. ముఖ్యమంత్రి వైఎస్ జగన్మోహన్ రెడ్డి రాష్ట్ర ప్రజలకు అందించిన సంక్షేమ, అభివృద్ధి పథకాలే మళ్లీ అధికారంలోకి తెస్తాయనే సానుకూలత ప్రజల్లో ఉందని చెప్పారు. మక్బూల్ ఓటర్లను ఆప్యాయంగా పలకరిస్తూ ఓటు అడిగే విధానం చూపరులను ఆకట్టుకుంటోంది. ఈ కార్యక్రమంలో కౌన్సిలర్లు మురళి, ఓం ప్రకాష్, వైసీపీ నాయకులు నాగార్జున తదితరులు పాల్గొన్నారు.