నూతన బేకరీని ప్రారంభించిన మక్బూల్

కదిరి :పట్టణంలోని మున్సిపాలిటీ కార్యాలయం సమీపంలో నూతనంగా ఏర్పాటు చేసిన ‘గోల్డెన్ బేక్స్ అండ్ స్వీట్స్’ బేకరీని ఆదివారం కదిరి అసెంబ్లీ వైకాపా అభ్యర్థి మక్బూల్ చేతులమీదుగా రిబ్బన్ కత్తిరించి ప్రారంభించారు. బేకరీలో నాణ్యమైన తిండి పదార్థాలు విక్రయించాలని, కస్టమర్లను ఆప్యాయంగా పలకరిస్తూ వారికి ఏమికావాలో ఇవ్వాలని యజమాని హమీద్ కు సూచించారు. వ్యాపారం బాగా జరిగి అంచెలంచెలుగా ఎదగాలని ఆయన ఆకాంక్షించారు. ఈ కార్యక్రమంలో మున్సిపల్ చైర్మన్ నాజిమున్నిసా సాదిక్, మున్సిపల్ వైస్ చైర్మన్ అజ్జుకుంటి రాజశేఖర్ రెడ్డి, వేముల ఫయాజ్, పట్టణ అధ్యక్షులు జిలాన్, కుర్లి శివారెడ్డి, వైసీపీ నాయకులు, కార్యకర్తలు పాల్గొన్నారు.