హీరో నానిని కలిసిన బ్రిటీష్‌ డిప్యూటీ హైకమిషనర్‌ గారెత్‌

హీరో నానిని బ్రిటీష్‌ డిప్యూటీ హైకమిషనర్‌ గారెత్‌ విన్‌ ఓవెన్‌ మర్యాదపూర్వకంగా కలిశారు. గారెత్‌ హైదరాబాద్‌లో నాని నివాసానికి వెళ్లి ఆయన సమావేశమయ్యారు. ఈ విషయాన్ని గారెత్‌ సామాజిక మాధ్యమం ఎక్స్‌ ద్వారా తెలిపారు. ఈ సందర్భంగా గారెత్‌ ఎక్స్‌లో పోస్టు చేశారు. ‘హీరో నానిని కలవడం ఎంతో ఆనందం కలిగించింది. ఆయన సినీ, వ్యక్తిగత జీవితం గురించి అడిగి తెలుసుకున్నాను. తెలుగు చిత్ర పరిశ్రమతో బ్రిటన్‌ సంబంధాలు ఏవిధంగా బలోపేతం చేసుకోవచ్చు అనే అంశంపైనా నానితో చర్చించాను. ఈ సందర్భంగా నాని తాను నటించిన రెండు సినిమాలు చూడమని నాకు సూచించారు. మరి నేచురల్‌ స్టార్‌ నటించిన ఏ సినిమాలు చూడాలో నాకు కాస్త చెబుతారా? అంటూ గారెత్‌ విన్‌ ఓవెన్‌ నెటిజన్లను కోరారు. ప్రస్తుతం గారెత్‌ నానితో కలిసి దిగిన ఫొటోలు వైరల్‌గా మారాయి.