రామచంద్రపురం :రామచంద్రపురం మండలంలోని వెంకట్రామాపురం సమీపంలోని సెవెన్ హిల్స్ ఫార్మసీ కళాణశాలలో గురువారం నాడు సినర్జీ రెమెడీస్ ప్రైవేట్ లిమిటెడ్ సంస్థ నిర్వహించిన ప్రాంగణ ఎంపికల్లో 34 మంది కళాశాల విద్యార్థులు ఉద్యోగాలు పొందారని ప్రిన్సిపాల్ డా.యం. నిరంజన్ బాబు తెలిపారు.సినర్జీ రెమెడీన్ సంస్థ తరపున ఐ.జగదీశ్వర్ రెడ్డి, గోపాల్ కృష్ణా రెడ్డి విద్యార్థులకు రాత పరీక్ష, మౌఖిక మరియు వ్యక్తిత్వ పక్షికలను నిర్వహించి విద్యార్థులను ఉద్యోగాలకు ఎంపిక చేసారు. బి. ఫార్మసీ యం. ఫార్మసీ
విభాగాలకు చెందిన విద్యార్థిని విద్యార్థులు సుమారు 100 మంది ప్రాంగణ నియామకాలలో పాల్గొన్నారు. ఉద్యోగాలకు ఎంపికైన విద్యార్థులను కళాశాల కరస్పాండెంట్ ఎం. సుమలత అభినందించారు. ఎంపికైన విద్యార్థులకు నియామక పత్రాలను అందజేసారు. ఈ సందర్భంగా కళాశాల ప్రిన్సిపాల్ యం. నిరంజన్ బాబు మాట్లాడుతూ వ్యక్తిగత నైపుణ్యంతో పాటు సబ్జెక్ట్ పై అవగాహన ఉంటే ఉద్యోగావకాశాలు మెండుగా ఉంటాయిని తెలిపారు
