పెట్టీకోట్ క్యాన్సర్ అంటే ఏంటి..?
మహిళలు చీర కట్టేటప్పుడు లోపల పెట్టీకోట్(లంగా) ధరిస్తుంటారు. ఇది చీరక సపోర్ట్‌గా ఉంటుంది. అంతేకాకుండా చీర ధరించినప్పుడు మంచి షేప్‌ని ఇస్తుంది. అయితే, చాలా మంది లంగా బొందును లేదా తాడుని గట్టిగా నడుము చుట్టూ కట్టుకుంటారు. అయితే, మహిళలు చేసే పెద్ద తప్పు ఇదే. ఇలా గట్టిగా, టైట్‌గా కట్టుకోవడం వల్ల పెట్టీకోట్ క్యాన్సర్ వస్తుందని నిపుణులు తెలిపారు. ఆ బొందు శరీరానికి బాగా రుద్దుకుపోయి స్కిన్ క్యాన్సర్ వస్తుందని తెలిపారు.
చీరలు కట్టే మహిళలకు పెద్ద అలర్ట్. వాళ్లు ఇప్పుడు పెద్ద ముప్పు బారిన పడ్డారు. చీర కట్టే మహిళలు కొత్త రకం క్యాన్సర్ ముప్పును ఎదుర్కొంటున్నారని అధ్యయనాలు వెల్లడించాయి. స్త్రీలను రొమ్ము, గర్భాశయం, యోని, అండాశయ క్యాన్సర్‌లు ఎక్కువ ప్రభావితం చేస్తున్నాయి. అయితే.. ఇప్పుడు పెట్టీకోట్ క్యాన్సర్ కేసులు కూడా బయటపడ్డాయి. రోజూ చీర కట్టుకునే వారికి ఈ క్యాన్సర్ రావడం చాలా ఆందోళనకరమైన విషయం. వార్ధాలోని జవహర్‌లాల్ నెహ్రూ మెడికల్ కాలేజీ, బీహార్‌లోని మధుబని మెడికల్ కాలేజీ వైద్యులు సంయుక్తంగా నిర్వహించిన పరిశోధనల ప్రకారం, ప్రతిరోజూ చీరలు ధరించే మహిళలు ఈ క్యాన్సర్ బారిన పడుతున్నారని తేలింది.రోజూ చీరలు కట్టుకునే మహిళలు బొందులతో కట్టే లంగాలు బదులు.. వీలైనంత సాగే వాటిని ఉపయోగించాలని నిపుణులు చెబుతున్నారు. లేదంటే లూజ్ లంగాలు ధరించి చర్మంపై ఒత్తిడి తగ్గించుకోవాలని వైద్యులు సూచిస్తున్నారు. ఒక చీర మాత్రమే కాదు బిగుతుగా ఉండే దుస్తులు ధరించే వారిలో కూడా ఈ క్యాన్సర్ లక్షణాలు కనిపిస్తున్నాయని నిపుణులు చెబుతున్నారు.రోజూ చీరలు కట్టుకునే మహిళలకు ఇలాంటి పుండ్లు, గాయాలు ఏర్పడితే జాగ్రత్త పడాలి. వెంటనే వైద్యుల్ని సంప్రదించాలని నిపుణులు సూచిస్తున్నారు. అదేవిధంగా నడుము చుట్టూ వారాలు, నెలల తరబడి మానకుండా పుండు ఉంటే వెంటనే పరీక్షలు చేయించుకోవాలని చెప్పారు. మొదట్లో దీనిని శారీ క్యాన్సర్ అనేవారు. అయితే, లోపల కట్టుకునే లంగా బొందు లేదా పెట్టికోట్ వల్ల ఈ క్యాన్సర్ వస్తుందని తేలింది. దీంతో దీనిని పెట్టికోట్ క్యాన్సర్ అని నిపుణులు అంటున్నారు.ఇలా లంగా బొందు లేదా తాడుని టైట్‌గా కట్టుకోవడం వల్ల చర్మం ఎర్రగా మారుతుంది. ఆ తర్వాత పుండుగా మారి క్యాన్సర్‌కి దారి తీస్తుంది. ఇది మొదటి సారిగా 70 ఏళ్ల మహిళలో కనిపించింది. ఆమె కడుపు చుట్టూ పుండు కనిపించింది. 18 నెలల తర్వాత కూడా అది తగ్గలేదు. తర్వాత అది మార్జోలిన్ అల్సర్ అనే చర్మ క్యాన్సర్ అని తేలింది. ఆ తర్వాత మరో మహిళలో కూడా ఇది బయటపడింది. నిపుణుల ప్రకారం..లంగాను చాలా గట్టిగా కట్టుకోవడం వల్ల పొట్ట చుట్టూ, తుంటిపై స్థిరమైన ఒత్తిడి ఏర్పడుతుంది. ఇది రాపిడిలాగా చర్మాన్ని బలహీనపరుస్తుంది. ఇది గాయాలు లేదా పూతలకి కారణమవుతుంది. చికిత్స తీసుకోకపోతే క్యాన్సర్‌గా మారే ప్రమాదం ఉంది.