అనంతపురం జిల్లాను ఓడిఎఫ్ రహిత జిల్లాగా రూపొందించాలి

నేటి నుంచి డిసెంబర్ 10 వరకు జిల్లా వ్యాప్తంగా “మన మరుగుదొడ్డి- మన గౌరవం” నినాదంతో విస్తృత అవగాహన కార్యక్రమాలు చేయాలి
వందశాతం వ్యక్తిగత, సామూహిక మరుగుదొడ్లను ఉపయోగించేలా ప్రోత్సహించాలి
జిల్లా కలెక్టర్ డాక్టర్ వినోద్ కుమార్. వీ.

అనంతపురము
జిల్లాను ఓడిఎఫ్ రహిత జిల్లాగా రూపొందించాలని జిల్లా కలెక్టర్ డాక్టర్ వినోద్ కుమార్. వీ. సంబంధిత అధికారులను ఆదేశించారు. మంగళవారం అనంతపురం నగరంలోని కలెక్టరేట్ మినీ కాన్ఫరెన్స్ హాల్లో గ్రామీణ నీటిపారుదల శాఖ, పంచాయతి శాఖల ఆధ్వర్యంలో… “ప్రపంచ మరుగుదొడ్ల దినోత్సవం” కార్యక్రమం సందర్భంగా జిల్లా నీరు, పారిశుద్ధ కమిటీ సమీక్షా సమావేశం నిర్వహించారు.ఈ సందర్భంగా ఏర్పాటు చేసిన కార్యక్రమంలో జిల్లా కలెక్టర్ మాట్లాడుతూ, కేంద్ర, రాష్ట్ర ప్రభుత్వాలు పారిశుధ్యం, పరిశుభ్రత అంశాలకు అధిక ప్రాధాన్యత ఇస్తున్నాయి. ఇందులో భాగంగా నేటి (19/11/2024) నుండి డిసెంబర్ 10 వరకు..”మన మరుగుదొడ్డి- మన గౌరవం నినాదంతో… “మరుగుదొడ్డి వాడుదాం ఆత్మగౌరవాన్ని కాపాడుకుందాం” అని జిల్లాలో విస్తృతంగా అవగాహన కార్యక్రమాలను నిర్వహించాలని ఆదేశించారు. జిల్లా, డివిజన్, మండల, గ్రామ, పంచాయతీ వారీగా విస్తృత అవగాహన కార్యక్రమాలు నిర్వహించాలన్నారు. జిల్లా వ్యాప్తంగా మరుగుదొడ్ల మరమ్మత్తుల కార్యాచరణను నిర్వహించడం, వ్యక్తిగత మరియు కమ్యూనిటీ మరుగుదొడ్లను సుందరీకరించడం, అలాగే పారిశుద్ధ్య వీరులను గుర్తించి సన్మానించడం, తదితర కార్యక్రమాలను అమలు చేయాలని అధికారులకు సూచించారు. కేంద్ర, రాష్ట్ర ప్రభుత్వా లు మరుగుదొడ్ల నిర్మాణాలను ప్రోత్సహిస్తూ నిధులు విడుదల చేయడంతో పాటు ప్రజలందరూ మరుగుదొడ్లను ఉపయోగించుకునేలా అందరినీ భాగస్వాములు చేయడమైనది. మరుగుదొడ్ల వాడకంలో నీటి లభ్యత ముఖ్యం. ప్రతి మరుగుదొడ్డికి నీటి సరఫరా ఉండేలా అధికారులు కృషి చేయాలి. వ్యక్తిగత మరుగుదొడ్లు లేని వారిని గుర్తించి వారందరికీ వ్యక్తిగత మరుగుదొడ్లు మంజూరు చేయాలి. జిల్లాలో ఇంకను వ్యక్తిగత లేదా సామూహిక మరుగుదొడ్లు వాడని వర్గాలు, ప్రాంతాలపై దృష్టి పెట్టి.. మరుగుదొడ్ల ప్రాముఖ్యతపై అవగాహన పెంచి ప్రతి ఒక్కరూ మరుగుదొడ్లు ఉపయోగించేలా కృషి చేయాలన్నారు.మన మరుగుదొడ్డి-మన గౌరవం(హమారా శౌచాలయ్ – హమారా సన్మాన్) కార్యక్రమం ద్వారా గ్రామాల్లో బహిరంగ మల విసర్జన లేకుండా చేయాలని, విద్యార్థులకు ఈ అంశంపై అవగాహన కల్పిస్తే తద్వారా వారి తల్లిదండ్రులు కూడా మరుగుదొడ్ల వాడకం పై అవగాహన పెంచుకుంటారని, అలాగే ఐసిడిఎస్, వైద్యశాఖ, డిఆర్డిఏ, డ్వామా, డిఇఓ  అధికారులు వారి పరిధిలో మరుగుదొడ్ల వాడకంపై విస్తృత అవగాహన కల్పించాలని, అలాగే అధికారులకు గ్రామ, మండల, జిల్లా స్థాయి  కార్యాలయాలలోని   మరుగుదొడ్ల రిపేరు చేసుకొని, నీటి సరఫరా ఉండేటట్లు చూసి,  శుభ్రంగా ఉండేలా చూసుకోవాలని,  మరుగుదొడ్లకు సంబంధించి మండల పరిధిలోని గుర్తించిన ప్రదేశాల నివేదికలు  తయారు చేసుకోవాలని, జల్ జీవన్ మిషన్ కు సంబంధించి  బడ్జెట్  కేటాయించడం వెంటనే పనులను ప్రారంభించాలని, అంగన్వాడి కేంద్రాలలో  అనుమతి పొందిన   పనులను త్వరితగతిన   పూర్తి చేయాలని   జిల్లాకలెక్టర్ పేర్కొన్నారు. ఈ కార్యక్రమంలో ఆర్డబ్ల్యుఎస్ ఎస్ఈ సురేష్,డీపీఓ నాగరాజు, డియంహెచ్ఓ ఈ.బి.దేవి, ఐసిడిఎస్ పిడి  శ్రీదేవి, డీఈవో ప్రసాద్ బాబు, డిఐపిఆర్ఓ గురు స్వామి శెట్టి, డిఆర్డిఏ,వివిధ శాఖల జిల్లా అధికారులు తదితరులు పాల్గొన్నారు.