గత పాలకుల పాపాలు.. మనకు శాపాలు: చంద్రబాబు

ఆంధ్రప్రదేశ్ సీఎం చంద్రబాబు వైసీపీ ప్రభుత్వాన్ని తీవ్రంగా విమర్శించారు, గత ప్రభుత్వం చేసిన పాపాలు ఇప్పుడు రాష్ట్రానికి శాపాలుగా మారాయని అన్నారు. బుడమేరు వాగు పరిరక్షణ పట్ల వైసీపీ ప్రభుత్వం వహించిన నిర్లక్ష్యం విజయవాడకు పెద్ద ముప్పుగా పరిణమించిందని చంద్రబాబు ఆరోపించారు. ఐదేళ్లలో బుడమేరు వాగులో పూడిక తీయకపోవడం, గండ్లు పూడ్చకపోవడం వల్ల కుండపోత వర్షాలు మరింత తీవ్రమైన వరదలను తీసుకువచ్చాయని అన్నారు.చంద్రబాబు మాట్లాడుతూ, వైసీపీ ప్రభుత్వం బుడమేరు పరిధిలో అక్రమ కట్టడాలకు తప్పుడు అనుమతులు ఇచ్చి, అక్రమార్కులను ప్రోత్సహించిందని ఆరోపించారు. వాతావరణ మార్పులు, ప్రభుత్వ నిర్లక్ష్యం వల్లే వరదల ప్రభావం తీవ్రమైందని ఆయన అన్నారు.వైసీపీకి చెందిన బోట్ల గురించి చంద్రబాబు మాట్లాడుతూ, కృష్ణా నదిలో ఉద్దేశపూర్వకంగా వదిలిన బోట్లు వైసీపీ వారివేనని, ఈ బోట్లను ప్రదేశానికి నష్టానికి కారణంగా ప్రస్తావించారు. ఆయా బోట్లపై వైసీపీ రంగు ఉండడం, అవి ప్రకాశం బ్యారేజీ గోడలను ఢీకొట్టడం వల్ల అధికారులకు అవి బయటకు తీయడం కష్టంగా మారిందని వివరించారు.చంద్రబాబు మరోవైపు ఇసుక అక్రమ రవాణా విషయంలో కూడా వైసీపీపై ఆరోపణలు చేశారు. జగన్, టీడీపీపై తప్పుడు ఆరోపణలు చేస్తూ, ఆ బోట్లు టీడీపీకి చెందినవేనని అంటున్నారని చంద్రబాబు మండిపడ్డారు.