దుర్గాలయంలో విశేష పూజలు.

భక్తులతో కిటకిటలాడిన వీరభద్రాలయం.

లేపాక్షి: ప్రపంచ పర్యాటక చిత్రపటంలో పేరెన్నికగన్న లేపాక్షి వీరభద్రాలయంలో వెలసిన దుర్గాదేవికి కార్తీక శుక్రవారం పురస్కరించుకొని విశేష పూజలు జరిగాయి. ఆలయ ప్రధాన అర్చకులు లక్ష్మీనరసింహ శర్మ, శ్రీనివాస్ కుమారులు ఉదయం వీరభద్రస్వామి ,దుర్గాదేవి, పాపనాశశ్వర స్వామి లకు అభిషేక అర్చనలు నిర్వహించారు. అనంతరం స్వామివార్లను వివిధ రకాల పుష్పాలతో అలంకరించారు. ఈ సందర్భంగా దుర్గాదేవికి కుంకుమార్చన పూజలు నిర్వహించారు. మధ్యాహ్నం 12 గంటలకు మహా మంగళ హారతి కార్యక్రమాన్ని నిర్వహించారు. ఈ కార్యక్రమంలో భక్తులు అధిక సంఖ్యలో పాల్గొన్నారు. ఆంధ్ర, కర్ణాటక ప్రాంతాల నుండి భక్తులు అధిక సంఖ్యలో రావడంతో లేపాక్షి వీరభద్రాలయం కీటకిటలాడింది.