ఐకాన్ స్టార్ అల్లు అర్జున్, స్టార్ డైరెక్టర్ సుకుమార్ కాంబినేషన్ లో తెరకెక్కిన బ్లాక్ బస్టర్ మూవీ ”పుష్ప: ది రైజ్”. రెండేళ్ల కిందట థియేటర్లలో సందడి చేసిన ఈ యాక్షన్ థ్రిల్లర్.. బాక్సాఫీస్ దగ్గర కాసుల వర్షం కురిపించింది. ముఖ్యంగా బాలీవుడ్ లో ఎలాంటి అంచనాలు లేకుండా సంచలన విజయాన్ని సాధించింది. పుష్పరాజ్ గా బన్నీ నటనతో పాటుగా పాటలు, తగ్గేదెలే వంటి డైలాగ్స్ అందరినీ ఆకట్టుకున్నాయి. దీంతో ఇప్పుడు ‘పుష్ప 2’ మూవీ పై భారీ అంచనాలు నెలకొన్నాయి. ప్రస్తుతం సెట్స్ మీదున్న ఈ మూవీ షూటింగ్ కు సంబంధించి, చిత్ర బృందం తాజాగా ఓ ఆసక్తికరమైన అప్డేట్ అందించారు. శేషాచలం అడవుల్లోని ఎర్ర చందనం స్మగ్లింగ్ బ్యాక్ డ్రాప్ లో, ‘పుష్ప: ది రైజ్’ కు కొనసాగింపుగా ‘పుష్ప: ది రూల్’ చిత్రం తెరకెక్కుతుంది. ఇక తాజా షెడ్యూల్ లో ఫహద్ మీద కొన్ని కీలకమైన సన్నివేశాలను చిత్రీకరించినట్లు మేకర్స్ తెలిపారు. ఈ సందర్భంగా సెట్ లో ఫహద్ కు డైరక్టర్ సుకుమార్ సీన్ వివరిస్తున్న ఓ ఫోటోని షేర్ చేశారు.’భన్వర్ సింగ్ షెకావత్’ అకా ఫహద్ ఫాసిల్ తో కీలక షెడ్యూల్ పూర్తయింది. ఈసారి అతను ప్రతీకారంతో తిరిగి వస్తాడు అని ‘పుష్ప’ టీమ్ ట్వీట్ చేసింది. ‘పుష్ప’ పార్ట్-1 లో భన్వర్ సింగ్ షెకావత్ అనే పోలీసాఫీసర్ గా ఫాహాద్ నటించాడు. కనిపించింది కొన్ని నిమిషాలే అయినా, ‘పార్టీ లేదా పుష్పా!’ అంటూ ఆకట్టుకున్నాడు.
ఇక క్లైమాక్స్ లో భన్వర్ సింగ్ ను అవమానించి, పుష్పరాజ్ పై చేయి సాధించడంతో ‘పుష్ప’ మొదటి భాగం ఎండ్ అవుతుంది. ఇప్పుడు ‘పుష్ప 2’ లో పుష్పరాజ్ పై షెకావత్ ప్రతీకారం తీర్చుకోవడానికి ప్రయత్నాలు చేయనున్నట్లు తెలుస్తోంది. దీనికి తగ్గట్టుగానే ‘అతను ఈసారి ప్రతీకారంతో తిరిగి వస్తాడు’ అని మేకర్స్ ట్వీట్ చేశారు. దీన్ని బట్టి రెండో భాగంలో అల్లు అర్జున్, ఫహద్ మధ్య వార్ గట్టిగానే ఉండబోతోందని అర్ధమవుతుంది. కూలీగా జీవితాన్ని ప్రారంభించిన పుష్పరాజ్.. స్మగ్లింగ్ సిండికేట్ ను శాసించే స్థాయికి ఎలా ఎదిగాడనేది ‘పుష్ప: ది రైజ్’ లో చూపించారు. ఇప్పుడు ‘పుష్ప: ది రూల్’ లో భన్వర్ లాల్ నుంచి పుష్పరాజ్ ఎలాంటి ఇబ్బందులు ఎదుర్కొన్నాడు? శత్రువులను ఎలా కంట్రోల్ లో పెట్టాడు? నేర సామ్రాజ్యాన్ని ఎలా పాలించాడు? అనేది చూపించబోతున్నారు. ఫస్ట్ పార్ట్ కి వచ్చిన రెస్పాన్స్ ను దృష్టిలో పెట్టుకొని ‘పుష్ప 2’ చిత్తాన్ని భారీ స్థాయిలో ప్లాన్ చేస్తున్నారు. ఇక చివరిగగా మొదటి భాగంలో ఫాహాద్ క్యారెక్టర్ కన్నా సెకండ్ పార్ట్ లో చాలా నెగిటివ్ షేడ్స్ లోను అల్లు అర్జున్ ని డీ కొట్టేలా ఉంటుంది అని తెలుస్తుంది ..