(ప్రజాభూమి స్పెషల్ కరస్పాండెంట్ ఏలూరు)
ఆంధ్రప్రదేశ్ పాశ్చాత్య పోకడలతో సమాజం ఎటు వెళ్తోంది. రోజురోజుకు మానవ సంబంధాలు మట్టిలో కలిసిపోతున్నాయి. అగ్నిసాక్షిగా బంధువుల సమక్షంలో చేసుకున్న పెళ్లిళ్లకు విలువ లేకుండా పోతోంది. కట్టుకున్న భార్యలను, కలకాలం కలసి ఉండాల్సిన భర్తలను విస్మరిస్తూ వివాహేతర సంబంధాలతో కాపురాలను చిన్నాభిన్నం చేసుకుంటున్నారు. ఫలితంగా కడుపున పుట్టిన పిల్లలు, తమ పై ఆధారపడిన కుటుంబాలు రోడ్డున పడే పరిస్థితులు నెలకొంటున్నాయి.
పెరిగిపోతున్న వివాహేతర సంబంధాలు.. రెండు తెలుగు రాష్ట్రాలలో వివాహేతర సంబంధాలు రోజురోజుకు పెరిగిపోతున్నాయి.ఫలితంగా పచ్చని కుటుంబాలు ఆగం అవుతున్నాయి.వివాహేతర సంబంధాలకు అడ్డుగా మారుతున్నారని,సొంత భార్య,భర్తలనే హతమారుస్తున్నారు. దాంతో కుటుంబాల మధ్య వివాదాలు పెట్రేగిపోతున్నాయి.కొన్ని సంబంధాలు గ్రామాల్లో బహిర్గతం అవుతుండటంతో బహిరంగంగా పంచాయతీలు పెట్టి సెటిల్మెంట్లు చేస్తున్నారు. దాంతో ఆ కుటుంబాలు దిక్కుతోచని స్థితిలో మొహం చెల్లక ఆత్మహత్యల బాట పడుతున్నారు.
రోడ్డున పడుతున్న కుటుంబాలు..వివాహేతర సంబంధాలతో హత్యలు, ఆత్మహత్యలు ఎక్కడో ఒకచోట జరుగుతూనే ఉన్నాయి. కొన్నేళ్లపాటు సాఫీగా సాగిన కాపురంలో ఈ సంబంధాలు తీవ్ర దుమారం రేపుతున్నాయి. కొందరు విడాకులు తీసుకుని మళ్ళీ పెళ్లిళ్లు చేసుకుంటే మరి కొందరు పగలు, ప్రతీకారాలకు జీవిస్తున్నారు. ఫలితంగా రక్తం పంచుకుపుట్టిన పిల్లలు అనాధలుగా మారుతున్నారు.
అవగాహన కరువు… రెండు తెలుగు రాష్ట్రాలలో విచ్చలవిడిగా పెరుగుతున్న వివాహేతర సంబంధాల సంస్కృతికి అధికారులు అడ్డుకట్ట వేయలేకపోతున్నారన్న విమర్శలున్నాయి. గ్రామాలు, పట్టణాల్లో సైబర్ నేరాలు, ఆత్మహత్యల పై అవగాహన కల్పిస్తున్నట్టుగానే వివాహేతర సంబంధాల వల్ల కలిగే నష్టాల పై ప్రజలకు అధికారులు, పోలీసులు అవగాహన కల్పించాలి. దీనిపై అధికారులు ప్రత్యేక దృష్టి పెట్టాలని పలువురు కోరుతున్నారు.

The post పెరిగిపోతున్న వివాహేతర సంబంధాలు appeared first on Praja Bhoomi.

న్యూఢిల్లీ:‌ఎప్పుడెప్పుడా అని ఎదురుచూస్తున్న ఢిల్లీ శాసనసభ ఎన్నికలకు తాజాగా షెడ్యూల్ విడుదలైంది. కేంద్ర ఎన్నికల కమిషన్ ఈ షెడ్యూల్ విడుదల చేసింది. జనవరి పదో తేదీన నోటిఫికేషన్ విడుదల అవుతుంది. మొత్తం 70 నియోజకవర్గాల్లో ఒకే దశలో ఫిబ్రవరి ఐదో తేదీన ఎన్నికలు జరుగుతాయి.కాగా ఫిబ్రవరి ఎనిమిదో తేదీన ఫలితాలు వెల్లడవుతాయి. షెడ్యూల్ విడుదల సందర్భంగా ఈవీఎంలపై వచ్చిన ఆరోపణలను సీఈసీ రాజీవ్ కుమార్ తోసిపుచ్చారు. యువత ఈ ఎన్నికల్లో స్వేచ్చగా తమ ఓటు హక్కు వినియోగించుకోవాలన్నారు.ఢిల్లీ శాసనసభ పదవీ కాలం ఈ ఏడాది ఫిబ్రవరితో ముగుస్తుంది. దీంతో ఇక్కడ ఎన్నికలు నిర్వహిస్తున్నారు. ఢిల్లీ ఎన్నికలకు ఒక ప్రత్యేకత ఉంది. కేంద్ర ఎన్నికల కమిషనర్ రాజేంద్ర కుమార్ కు ఇది చివరి అసైన్‌మెంట్. ఈ ఏడాది ఫిబ్రవరిలో ఆయన రిటైర్ కాబో తున్నారు. అంతేకాదు ఈ ఏడాది జరగనున్న తొలి ఎన్నికలు ఇవే కావడం విశేషం. ఢిల్లీలో మొత్తం 70 అసెంబ్లీ నియోజకవర్గాలున్నాయి. ఆమ్ ఆద్మీ పార్టీ ఇప్పటికే మొత్తం 70 నియోజకవర్గాలకు అభ్యర్థులను ప్రకటించింది. ఆమ్ ఆద్మీ పార్టీ జాతీయ సమన్వయకర్త, మాజీ ముఖ్యమంత్రి అరవింద్ కేజ్రీవాల్ తన న్యూ ఢిల్లీ నియోజకవర్గం నుంచి పోటీ చేస్తున్నారు. కాగా కేజ్రీవాల్‌పై బీజేపీ టికెట్‌పై పర్వేష్ సాహిబ్ వర్మ పోటీ చేస్తున్నారు. అలాగే కల్కాజీ నియోజకవర్గం నుంచి ఆమ్ ఆద్మీ పార్టీ తరఫున ముఖ్యమంత్రి ఆతీశీ పోటీ చేస్తున్నారు. కాగా ఇక్కడ్నుంచి బీజేపీ టికెట్‌పై రమేష్ బిధూరీ పోటీ చేస్తున్నారు.ఢిల్లీలో కొంతకాలం కిందటే రాజకీయ వాతావరణం వేడెక్కింది. ఈ ఎన్నికలను భారతీయ జనతా పార్టీ అలాగే ఆమ్ ఆద్మీ పార్టీ ప్రతిష్టాత్మకంగా తీసుకున్నాయి. ఈసారి అసెంబ్లీ ఎన్నికల్లో ఎలాగైనా గెలవాలని రెండు పార్టీలు తీవ్ర ప్రయత్నాలు ప్రారంభించాయి. ఢిల్లీలో వరుసగా రెండు టర్మ్‌లు ఆమ్ ఆద్మీ పార్టీయే అధికారంలో కొనసాగుతోంది. 2020 ఎన్నికల్లో ఢిల్లీలోని మొత్తం 70 నియోజకవర్గాల్లో ఆమ్ ఆద్మీ పార్టీ 62 సీట్లు దక్కించుకుంది. బీజేపీ కేవలం ఎనిమిది సీట్లకే పరిమితమైంది. కాగా ఈ ఎన్నికల్లో కాంగ్రెస్ పార్టీ కి ఒక్క సీటు కూడా దక్కలేదు. మూడోసారి కూడా విజయకేతనం ఎగరేయాలని ఆప్ గట్టి పట్టుదలతో ఉంది. ఇందులో భాగంగా ఢిల్లీ ఎన్నికలకు కేజ్రీవాల్ చాలా కిందటే కసరత్తు ప్రారంభించారు.సీనియర్ సిటిజన్లకు అలాగే మహిళలకు అనేక సంక్షేమ పథకా లు ప్రకటించారు. సంక్షేమ పథకాలతో ఢిల్లీ ఓటర్లను ఆకట్టుకునే ప్రయత్నాలు ప్రారం భిం చారు.అయితే ఇటీవల జరిగిన లోక్‌సభ ఎన్నికల్లో ఆప్ ఘోరంగా దెబ్బతింది. ఢిల్లీ లోని మొత్తం ఏడు లోక్‌సభ నియోజకవర్గా ల్లో ఒక్కదాంట్లోనూ ఆప్ విజయం సాధిం చలేక పోయింది. కాగా ఆమ్ ఆద్మీ పార్టీ జాతీయ సమన్వయకర్త అరవింద్ కేజ్రీవాల్‌ కొంతకాలం కిందట మద్యం కుంభకో ణంలో చిక్కుకున్నారు. కేజ్రీవాల్‌పై ఈడీ, సీబీఐ కేసులు నమోదయ్యాయి. కేసులు నమోదు కావడంతో ఆయన జైలుకు కూడా వెళ్లారు. అయితే జైలు నుంచి బెయిల్ పై వచ్చిన తరువాత కేజ్రీవాల్ అనూహ్య నిర్ణయం తీసుకున్నారు. ముఖ్యమంత్రి పద వికి రాజీనామా చేశారు. దీంతో కేజ్రీవాల్ క్యాబినెట్‌లో మంత్రిగా ఉన్న అతీశీ ముఖ్యమంత్రిగా ప్రమాణస్వీకారం చేశారు.
ఢిల్లీ అసెంబ్లీ ఎన్నికల కసరత్తులో ఆమ్ ఆద్మీ పార్టీ దూసుకుపోవడాన్ని బీజేపీ గమనిం చింది.ఇందుకు కౌంటర్‌గా అభివృద్ధి మం త్రను ఆలపిస్తోంది. ఇటీవల ఢిల్లీలోని అశోక్ విహార్‌లోని రామ్‌లీలా గ్రౌండ్‌లో బీజేపీ మొద టి ర్యాలీ నిర్వహించారు. ఈ ర్యాలీ సందర్భంగా అనేక అభివృద్ధి కార్యక్రమాలను ప్రధాని నరేంద్ర మోడీ ప్రారం భించారు. అలాగే అశోక్ విహార్‌లోని జైలర్‌ వాలా బాగ్‌లో ఇన్‌స్టిట్యూట్ డెవలప్‌మెంట్ ప్రాజెక్ట్ కింద నిర్మించిన 1,675 ఫ్లాట్‌లను లబ్దిదారులకు ప్రధాని నరేంద్ర మోడీ అందచేశారు. స్వాభిమాన్ అపార్ట్‌మెంట్స్ పేరుతో …ఈ ఫ్లాట్స్ ను నిర్మించారు. తనకు అద్దాల మేడ లేకపో యినా, మురికివాడల నిర్వాసితులకు గౌరవప్రదమైన ఇండ్లను అందించడంలో భాగంగా ఇన్‌స్టిట్యూట్ డెవలప్‌మెంట్ ప్రాజెక్ట్ ను కేంద్ర ప్రభుత్వం చేపట్టిందన్నారు. ఈ సందర్భంగా ప్రధాని నరేంద్ర మోడీ మాట్లాడుతూ ఢిల్లీ అభివృద్ధికి కేంద్రంలోని ఎన్డీయే ప్రభుత్వం కట్టుబడి ఉందన్నారు. అంతేకాదు ఆమ్ ఆద్మీ పార్టీని పరోక్షంగా ప్రస్తావిస్తూ నరేంద్ర మోడీ చురకలు వేశారు. ఇదిలాఉంటే, ఢిల్లీ ఎన్ని కల్లో దాదాపుగా ఒంటరిపోరుకు కాంగ్రెస్ పార్టీ కూడా సిద్ధమైంది. ఇటీవల ఆమ్ ఆద్మీ పార్టీతో దాదాపుగా తెగదెంపులు చేసుకు న్నంత పని చేసింది కాంగ్రెస్ పార్టీ. గతంలో ఆమ్ ఆద్మీ పార్టీకి మద్దతు తెలియచేసినందుకే ఢిల్లీలో కాంగ్రెస్ పార్టీ బలహీనపడిందని ఆ పార్టీ సీనియర్ నేత అజయ్ మాకెన్ పేర్కొన్నారు.మొత్తంమీద తన నిజాయితీయే ఈసారి ఎన్నికలలో ఆప్‌ను గెలిపిస్తుందని అరవింద్ కేజ్రీవాల్ భరసాతో ఉన్నారు. అయితే ఆప్‌ను ఇరుకున పెట్టడానికి మద్యం కుంభ కోణాన్ని ఎన్నికల ప్రచారంలో కీలకాంశం చేయడానికి బీజేపీ సన్నాహాలు చేస్తోంది.

The post ఢిల్లీ అసెంబ్లీ ఎన్నికలకు మోగిన నగారా ! appeared first on Praja Bhoomi.

The post కుప్పంలో జన నాయకుడు కేంద్రాన్ని ప్రారంభించిన సీఎం చంద్రబాబు appeared first on Praja Bhoomi.

The post పరువు పోయిందట.. appeared first on Praja Bhoomi.

The post కుప్పంను మోడల్ నియోజకవర్గంగా తీర్చిదిద్దుతాం: చంద్రబాబు appeared first on Praja Bhoomi.

(మత్తే బాబి ,ప్రజాభూమి స్పెషల్ కరెస్పాన్డెంట్, ఏలూరు)
ఐఏఎస్ అంటే ఏసీ హాలుకు పరిమితమై ఎక్కడి సమస్యలు అక్కడే ఉంటాయని ప్రజల్లో ఉన్న ఓ చిన్న పాటి అనుమానం కూడా లేకుండా ఐఏఎస్ అంటే ప్రజాసేవే పరమావధిగా ముందుకు పోవడమేనని ప్రణాళిక బద్దంగా ప్రజా సమస్యలపై చక్కటి పరిస్కారం చూపుతూ ప్రజల్లో శభాష్ అనిపించుకుంటూ చక్కటి పాలన అందిస్తున్న యువ ఆశాకిరణం.ఆకస్మిక వరదల్లో అయ్యో ఎలా అనుకోకుండా అడుగు తీసి అడుగు వేయలేని ఆ రహదారులలో వర్షాన్ని సైతం లెక్క చేయకుండా ఆపన్న హస్తం కోసం ఎదురు చూసే ఆయా ప్రాంత ప్రజల వద్దకు వెళ్లి ఆందోళన వద్దని ప్రభుత్వం అక్కున చేర్చుకుంటుందని అక్కడి వారి బ్రతుకుల్లో ఆశలు నింపి,వ్యాపారం కోసం విచ్చల విడిగా దోచేస్తున్న పిడిఎస్ పై కన్నెర్ర చేస్తూ కలెక్టర్ అంటే ఇలా అని జనం మెచ్చిన ఏలూరు యువ కలెక్టర్ వెట్రి సెల్వీ పై ప్రజాభూమి అందిస్తున్న నూతన సంవత్సరంలో ప్రత్యేక కథనం .. జూన్ 26 2020 బుధవారం నాడు ఏలూరు జిల్లా కలెక్టర్ గా పదవి బాధ్యతలు చేపట్టిన నాటి నుండి జిల్లా సమస్యలపై అలుపెరగని పోరాటం చేస్తున్న మన యువ కలెక్టర్ వీరవనిత మన నిజమైన ప్రజా సేవకురాలు ఏలూరు జిల్లా కలెక్టర్ ఐఏఎస్ కె వెట్రి సెల్వి.ఏలూరు జిల్లాలో పాలనలో తనదైన మార్క్ గత ఏడాది సెప్టెంబర్ నెలలో వచ్చిన వరదలను సమర్థవంతంగా ఎదుర్కొని ఏలూరు జిల్లా ప్రజలకు ఎటువంటి ప్రాణ,ఆస్తి నష్టం కలగకుండా ప్రజలను,అధికార యంత్రంగాన్ని అప్రమత్తం చేసిన అడ్మినిస్ట్రేటర్, మాదకద్రవ్యాలను నిర్మూలించాలన్నా,కోడి వ్యర్ధాల అక్రమ రవాణాకు అడ్డుకట్ట వేయాలన్నా, పేదవారికి చెందాల్సిన అక్రమ రేషన్ బియ్యం అరికట్టాలన్నా, మీకోసం అర్జీల సమస్యల పరిష్కారమైనా, క్రీడాకారుల్ని ప్రోత్సహించాలన్నా, డయేరియా వంటి విష జ్వరాల కేసులను ప్రబలకుండా నివారించాలన్నా,పెన్షన్ల పంపిణీ అయినా, ప్రజా జీవితంకై అంకితమై పనిచేస్తున్న ఏకైక లేడీ బాస్ ఇంకెవరు ప్రజల మెచ్చిన ఏలూరు జిల్లా కలెక్టర్ వెట్రి సెల్వి ఏలూరు జిల్లా కలెక్టర్ గా బాధ్యతలు స్వీకరించిన తర్వాత ప్రజా సంక్షేమం జిల్లా అభివృద్ధికై కె వెట్రి సెల్వి చేసిన కృషి అనిర్వచనీయం * గోదావరి జిల్లాల ప్రజల కలల ప్రాజెక్టు పోలవరం నిర్మాణ పనులు ఆర్ అండ్ ఆర్ ప్యాకేజీ వివరాలపై ఎప్పటికప్పుడు సమీక్ష నిర్వహిస్తూ, ప్రతినెల 2.68 వేల మంది లబ్ధిదారులకు ఒకటవ తారీఖున ఆరు గంటల నుండి పెన్షన్ పంపిణీ చేస్తూ, మత్స్య సాగు రైతులకు నిపుణులతో కలిసి అవగాహన కల్పిస్తూ, పాలనలో తనదైన మార్క్ చూపిస్తున్నారు * 78వ స్వాతంత్ర దినోత్సవం సందర్భంగా మాజీ సైనికులు మంత్రి కొలుసు పార్థసారధితో కలిసి సత్కారం చేయడమే కాకుండా,ఆకస్మికంగా అంగన్వాడి కేంద్రంలో చిన్నారులతో కలిసి సహపంక్తి భోజనాలు చేస్తూ ఎందరికో ఆదర్శంగా నిలుస్తున్నారు* ప్రభుత్వ పాఠశాలలో సైతం ఎప్పటికప్పుడు తనిఖీలు చేస్తూ, రికార్డులు పరిశీలిస్తూ అక్కడ ఉన్న విద్యార్థినీ విద్యార్థులతో కలిసి భోజనం ఆరగించడమే కాక వారినే సదుపాయాల వివరాలు స్వయంగా తెలుసుకుంటున్నారు * పిల్లలు లేని వారికి పిల్లల్ని దత్తతగా అందజేస్తూ వారికి ఆనందాన్ని పంచుతున్నారు, * ఇల్లు లేని నిరుపేదలకు ప్రధానమంత్రి ఆవాస యోజన పథకం 2.0 లో భాగంగా పూర్తయిన ఇండ్ల తాళాలను లబ్ధిదారులకు అందజేస్తూ జిల్లాలో విమర్శికుల ప్రశంసలు సైతం అందుకుంటున్నారు * ఇటువంటి ప్రజల మెచ్చిన జిల్లా కలెక్టర్ కె వెట్రి సెల్వి ఈ నూతన సంవత్సరంలో ఏలూరు జిల్లా అభివృద్ధిని, ఖ్యాతిని,సంక్షేమాన్ని రెట్టింపు చేయాలని ప్రజా భూమి పత్రిక కూడా ఆకాంక్షిస్తుంది.

The post జనం మెచ్చిన కలెక్టర్ జనం కోసమే తన జీవితం appeared first on Praja Bhoomi.

రాష్ట్రవ్యాప్తంగా జ్యోతిష్యం వాస్తు సిద్ధాంతాల పైన సెమినార్ నిర్వహించి ఉత్తమ ప్రదర్శన కనబరిచిన ఏలూరు జిల్లా కామవరపుకోట మండలంలోని సుదర్శన రామ దుర్గాచార్యులు ఉత్తమ అవార్డు దైవిజ్ఞ రత్న అవార్డు అందుకున్నారని సుదర్శనం శ్రీనివాసచార్యులు చెప్పారు.
విశాఖపట్నంలో డైమండ్ పార్కు వద్ద ఉన్న హోటల్ రిస్ట్ కంపార్ట్ గ్రాండ్ హోటల్ లో జరిగిన విశ్వ జ్యోతి జ్యోతిష విజ్ఞాన సంస్థ వారిచే నిర్వహించిన సెమినార్లో జ్యోతిష్యం వాస్తు మీద ప్రజెంటేషన్ ఇవ్వడం జరిగినది. దాన్ని అనుసరించి దైవజ్ఞరత్న అనే బిరుదుని ప్రదానం చేశారు.దుశ్శాలువా, జ్ఞాపిక మరియు సర్టిఫికెట్ ఇచ్చి అదిరథమహారధుల మధ్య సత్కరించిరించారు. కామవరపుకోటలో పీఠం వద్ద ప్రత్యేక కార్యక్రమాలు నిర్వహించనున్నట్లు ఆయన చెప్పారు. అవార్డు గ్రహీతను కామవరపుకోటలోని అభినందించారు. ఆయనకు జిల్లాలోని అభినందనలు తెలుపుతున్నారు.

The post దైవజ్ఞ రత్న బిరుదు అందుకున్న సుదర్శనం దుర్గ బాబు appeared first on Praja Bhoomi.

The post ఎస్సీ కులాల జాబితాలో పేర్లను పరిశీలించుకోండి.. తెదేపా రాష్ట్ర ఎస్సీ సెల్ ఉపాధ్యక్షులు జాలా బాలాజీ appeared first on Praja Bhoomi.

ఏలూరు:
గత సంవత్సర కాలంగా అజ్ఞాతంలో ఉన్న ఏలూరు ఒకటవ పట్టణానికి చెందిన కసాయి అనే వ్యక్తి ఏలూరు జిల్లాలో అనేక ప్రాంతాల నుండి పేదవారికి చెందిన రేషన్ రైస్ ను అక్రమమార్గంలో ధనార్జనే ధ్యేయంగా కాకినాడ, మండపేట,ఈతకోట,నల్లజర్లకు సరఫరా చేస్తూ ప్రతి నెల 100 నుండి 200 టన్నులు వరకు ఎగుమతి చేస్తూ తనని ఎవరు ఏం చేయలేరంటూ ఇతగాడి మామ మామూలోడు కాదంటూ తన మామే అసలు పెద్ద డాన్ అంటూ ప్రగడ్బాలు పలుకుతుంటే అధికార యంత్రాంగం ఆదమరిచి ఉంటోందని అక్కడ ఇక్కడ పుకార్లు షికార్లు చేస్తున్నాయి.నెల్లూరు పెద్దారెడ్డి తెలుసా?గత 5నెలలు క్రితం అజ్ఞాతం నుండి వెలుగులోకి వచ్చిన ఈ కసాయి రైస్ డాన్ నెల్లూరు పెద్దారెడ్డి తెలుసా?మా మామయ్య ఫ్రెండ్ అన్న చందాన ఆయన ఏలూరు విజిలెన్స్ ఎస్పీతో మాట్లాడి ఈ రైస్ వ్యాపారం చేసుకోమనట్లుగా చెప్పుకుంటూ తిరుగుతూ, ఎవరైనా రైస్ డంప్ చేసే ప్రాంతానికి వచ్చిన కన్నెత్తి చూసిన అంతు చూస్తా అంటూ బెదిరింపులకు గురి చేస్తున్నట్లు తెలుస్తోంది.పవన్ రావాలేమో?ఓ పక్క డిప్యూటీ సీఎం పవన్ కళ్యాణ్ సీజ్ ది షిప్ అన్నా కూడా ఇక్కడ మాత్రం నో సీజ్ నో కేస్ అంటా? మరోవైపు నాదెండ్ల మనోహర్ ఈ అక్రమ రైస్ వ్యాపారం పై అలుపెరగని పోరాటం చేస్తుంటే అవేమి పట్టనట్లుగా ఇక్కడ పనిచేసే కొంతమంది అధికారుల తీరు వారికి అనుకూలంగా ఉందేమోనని అనుమానం కలగకమానదు. ఇటువంటి అక్రమ వ్యాపారస్తులు కోసం, పనిచేయని కొంతమంది అధికారుల కోసం సాక్షాత్తు డిప్యూటీ సీఎం పవన్ కళ్యాణ్ రావాలేమో అన్న అనుమానాలు వ్యక్తమవుతున్నాయి. నన్నెవరూ ఆపలేరు?*ప్రతి నెల ఒకటో తారీకు నుండి నచ్చినట్లుగా రేషన్ రైస్ అక్రమ వ్యాపారం చేస్తా ఎవరు ఆపుతారో చూస్తా?అంటున్న ఈ కసాయి అక్రమాలకు అడ్డుకట్ట వేయాలంటే నెల ప్రారంభంలో ఇప్పుడే రేషన్ రైస్ పంపిణీ చేయడం మొదలైంది కనుక జిల్లా సివిల్ సప్లైఅధికారులు కట్టుదిట్టంగా నిఘా ఉంచి ఇటువంటి చర్యలకు పాల్పడే వ్యక్తులు పట్ల కఠినంగా వ్యవహరించి పేదవారికి చెందిన రేషన్ రైస్ పక్కదారి పట్టకుండా చూడాలని పలువురు అభిప్రాయపడుతున్నారు.

The post ఓసాయి,కసాయి రేషన్ రైస్ దోచేయ్ appeared first on Praja Bhoomi.

రామచంద్రపురం
తాజాగా ప్రభుత్వం సొసైటీలకు త్రిమెన్ కమిటీలు నిర్వహిస్తున్నారన్నప్రచారంతో రామచంద్రపురం నియోజకవర్గంలో కూటమి నేతలు మధ్య సాయోధ్య కుదరక ఇంకా కొలిక్కి రాసినట్లు సమాచారం. ముఖ్యంగా రామచంద్రపురం నియోజవర్గం జనసేన పార్టీకి నాడు వైసిపి ప్రభుత్వాన్ని ఎదురోడ్డి పద్నాలుగు ఎంపీటీసీలతోపాటు పలు సర్పంచ్ పదవులు కైవసం చేసుకున్న ఘనత ఉంది. ఆవిషయంలో రాష్ట్ర స్థాయిలోనే జనసేన పార్టీ ఇక్కడ ప్రదమ స్థానంలో నిలిచింది. అలాంటి పరిస్థితి ఉన్న జనసేనకి ఇప్పుడు ఇక్కడ సొసైటీల పంపకంలో అందని ద్రాక్ష గానే ఉందని కచ్చితంగా చెప్పవచ్చు. నియోజకవర్గంలో 32 సొసైటీలు ఉండగా జనసేనకు ఏడు సొసైటీలు కట్టబెట్టి మిగతా తెలుగుదేశం పార్టీ నేతలకు ఇచ్చేందుకు ప్రయత్నాలు కొనసాగించడంతో జనసేన శ్రేణులు గుర్రుగా ఉన్నారు. పైగా టిడిపి నేతలు పలువురు ఈవిషయంలో ఆదినాయకత్వం నుండి సిఫార్సులతో పైరవీలు చేస్తున్నారని సమాచారం. దీంతో జనసేన శ్రేణులు మరింత అసహనాన్ని గురవుతున్నారు. అమలాపురంలో 24 సోసైటీలుకు గాను జనసేన పార్టీకి 10 సొసైటీలు ఇస్తున్నట్లు సమాచారం .పక్క నియోజకవర్గానికి అలా ఇచ్చిన తమకు ఇలా చేయటం ఏంటని జనసేన శ్రేణులు ఆవేదన వ్యక్తం చేస్తున్నారు. రాష్ట్ర స్థాయిలోన జనసేన పార్టీకి రామచంద్రపురం నియోజవర్గం మంచి పట్టు ఉంది. అలాగే గుర్తింపు ఉంది. ఆగుర్తింపుకు ఈరోజు ఇక్కడ ఏ విధమైన ఫలితం లేకుండా పోతుందని జనసేన శ్రేణులు ఆగ్రహం వ్యక్తం చేస్తున్నారు.ప్రాధమిక వ్యవసాయ సహకార పరపతి సంఘాలకు ముగ్గురు సభ్యుల కమిటీలను (త్రిమెన్)ప్రభుత్వం నియమించ నున్న తాజా పరిస్థితిలో ఆపదవులు ఆశించే వారి సంఖ్య బారీగానేఉంది . ఇప్పటికే కూటమి నాయకులు ఆయా సొసైటీల పరిధిలో అర్హుల జాబితాలను సేకరిస్తుండటంతో త్రిమెన్ కమిటీలను నియమించే పనిలో నిమగ్నమై ఉన్నారు.ఇప్పటికే పదవుల కోసం ఎదురు చూస్తున్న నాయకులు తమ ప్రయత్నాలను ముమ్మరం చేసుకోవడం కనిపిస్తోంది. తెలుగుదేశం, జనసేన పార్టీల మధ్య సొసైటీల పంపకాలక చర్చలు ఊపందుకున్నా సఖ్యత మాత్రం నేటికీ కుదరక ఎవరి ప్రయత్నాలు వారు చేస్తున్నారు.మరో పక్క ప్రభుత్వం సొసైటీల పర్సన్ ఇన్ ఛార్జిలను మరో ఆరు నెలలు కొనసాగిస్తూ గత నెల 20న ఉత్తర్వులు జారీ చేసింది. కమిటీలు నియమిస్తే ఈ ఉత్తర్వులు రద్దు అవడం ఖాయం . వైకాపా ప్రభుత్వం అధికారంలోకి రాగానే 2018 నుంచి ముగ్గురు సభ్యులతో కూడిన కమిటీకి అధికారులు ఇచ్చింది. కమిటీలో చైర్మన్, ఇద్దరు సభ్యులు వున్నారు. ప్రతి ఆరు నెలలకు ఒకసారి పదవీ కాలాన్ని పొడిగిస్తూ అయిదు సంవత్సరాలు అప్పట్లో గడిపేసింది.ప్రస్తుత పరిస్థితుల్లో కూటమి ప్రభుత్వం పర్సన్ ఇన్ ఛార్జిలకు అధికారులు ఇచ్చింది. గత నెల 21తో వారి గడువు పూర్తి కావడంతో మరో ఆరు నెలలు వారినే కొనసాగిస్తూ ఉత్తర్వులు జారీచేశారు.. ఇదిలా వుండగా సాగు నీటి సంఘాల ఎన్నికల్లో ఏక పక్ష విజయాలతో ఊపు మీద వున్న కూటమి ప్రభుత్వం అదే విధంగా సొసైటీలకూ ఎన్నికలు నిర్వహిస్తుందని అంతా భావించారు. నీటి సంఘాల ఎన్నికలను లైట్ గా తీసుకున్న వైకాపా సొసైటీ ఎన్నికలలో పోటీ చేసే అవకాశాలు కూడా కనిపించాయి. కాని ఈలోగా గత ప్రభుత్వం తరహాలోనే సొసైటీలకు త్రిమెన్ కమిటీలను నియమించడానికి ప్రభుత్వం నిర్ణయించినట్లు కార్యకర్తల స్థాయిలో ప్రచారం జరుగుతోంది. అందుకు తగ్గట్టుగానే కూటమి నేతలు సొసైటీలకు పంపకాలు ప్రక్రియ మొదలెట్టారు.కానివారిమద్య సఖ్యత కుదరక ఇంకా కొలిక్కి రాలేదు దీనికి అనుగుణంగా ఆయా సొసైటీల పరిధిలో ఆరులైన కార్యకర్తలు, నాయకుల జాబితాలను ఆటు తెలుగుదేశం, ఇటు జనసేన నాయకులు మల్ల గుల్లలు పడుతున్నారు. సొసైటీలకు ఎన్నికలు నిర్వహించాలని రాష్ట్ర హైకోర్టు ఉత్తర్వులు ఇచ్చినా సర్కారు పట్టించుకున్నట్టు లేదు. సొసైటీ కమిటీలో పదవి ఆశించేవారి నుంచి వారి అర్థతలు, వారికి పీఏసీఎస్ లో సభ్యత్వం వుందా. వారికి సొసైటీలో రుణం వుందా. రుణం ఎగవేత వుందా, వంటి వివరాలు సేకరిస్తున్నారు. సొసైటీ నిబంధన ప్రకారం రిజర్వేషన్లు లేకున్నా సామాజిక న్యాయం పరిగణనలోకి తీసుకోవాలని సూచిస్తున్నారు. కాని ఇప్పటికే సొసైటీలకు అధ్యక్ష పదవికి ఆశించిన వారిలో కొందరికి అర్హత లేకపోవడంతో దిక్కు దిక్కులు చూస్తూ మరో ప్రయత్నాలు కొనసాగిస్తున్నారు. నియోజకవర్గాల పరిధిలో ఆయా ఇన్ ఛార్జీలు, ఎమ్మెల్యేలు, ఎమ్మెల్సీలను సమన్వయం చేసుకుని జాబితాలను సేకరిస్తున్నారు. అదే సమయంలో కూటమి పార్టీలు తమ వాటాల కోసం ఇప్పటికే సమావేశాలు నిర్వహించారు.ఇదిలా వుండగా ఇప్పటి వరకూ త్రిమెన్ కమిటీల పాలనలో వున్న కొన్ని సొసైటీల్లో అక్రమాలు జరిగినట్లు ఇప్పటికే వార్తలు వస్తున్నాయి. పార్టీల బ్యానర్ పై నియమించబడుతున్న కమిటీలు రైతులను పట్టించుకోక క్షేత్ర స్థాయిలో ఇబ్బందులు పెడుతున్నట్లూ ఆరోపణలు వున్నాయి. సొసైటీల బకాయిల వసూళ్లలోనూ చాలా సొసైటీలు ఎక్కడ వేసిన గొంగళి అన్నట్టే వున్నాయని సమాచారం. ఏదిఏమైన రామచంద్రపురం నియోజవర్గంలో మాత్రం జనసేన పార్టీకి 7 సొసైటీలు కేటాయించడంపట్ల జనసేన పార్టీలో నేతలకు, శ్రేణులకు సైతం రుచించడంలేదు. ఇప్పటికైనా జనసేనకు మరిన్ని సొసైటీలు కేటాయించాలని పత్రిక ముఖంగా పలువురు కోరుతున్నారు.
…

The post రామచంద్రపురంలో సొసైటీల త్రీమెన్ కమిటీలో జనసేనకు అందని ద్రాక్షే! appeared first on Praja Bhoomi.