శంఖవరం :
కార్తీక పౌర్ణమి పర్వదినం సందర్భంగా శుక్రవారం అన్నవరంలో శ్రీ సత్యదేవునిగిరి ప్రదక్షిణకు భక్తులు పోటెత్తారు. రాష్ట్ర నలుమూలల నుంచి భక్తులు అధిక సంఖ్యలో పాల్గొనడంతో అన్నవరం జనసంద్రమైంది. గిరి ప్రదక్షిణ లో సత్య రధంపై స్వామి, అమ్మవార్లను ఊరేగిస్తూ ఉండగా భక్తుల జై సత్యదేవ నామస్మరణతో అన్నవరం మారు మోగింది . భక్తులకు స్థానిక ఎమ్మెల్యే వరుపుల సత్య ప్రభ రాజా ఆదేశాలతో కత్తిపూడి గ్రామానికి చెందిన టిడిపి సీనియర్ నేత వెన్నా ఈశ్వరుడు(శివ ) మజ్జిగ, మంచినీరు పంపిణీ చేశారు. వెన్నా శివ మాట్లాడుతూ భక్తులు కార్తీక పౌర్ణమి నాడు గిరి ప్రదక్షిణ చేస్తే కోటి జన్మల పుణ్య ఫలం దక్కుతుందని, భక్తులకు మజ్జిగ, మంచినీరు అందించే భాగ్యం సత్యదేవుడు నాకు కల్పించిన వరంగా భావిస్తానని అన్నారు. ఈ కార్యక్రమంలో సాధనాల లక్ష్మీ బాబు,కంచిబోయిన శ్రీను, పోలం చిన్న, కేలంగి జనార్ధన్, కొయ్య రమణ, గాబు కృష్ణమూర్తి, వెంకట్ తదితరులు పాల్గొన్నారు.