గిన్నిస్ బుక్ రికార్డుల్లోకి చిరంజీవి..లోకేశ్‌, కేటీఆర్ విషెస్

మెగాస్టార్ చిరంజీవి గిన్నిస్ వరల్డ్ రికార్డ్సులో స్థానం సంపాదించినందుకు సినీ మరియు రాజకీయ ప్రముఖులు శుభాకాంక్షలు తెలుపుతున్నారు. 150కి పైగా సినిమాల్లో అత్యధిక డ్యాన్స్ స్టెప్పులతో ప్రేక్షకులను అలరించిన చిరంజీవికి ఈ అరుదైన గౌరవం లభించింది.ఆంధ్రప్రదేశ్ మంత్రి నారా లోకేశ్, బీఆర్ఎస్ వర్కింగ్ ప్రెసిడెంట్ కేటీఆర్ చిరంజీవికి సోషల్ మీడియా వేదికగా అభినందనలు తెలిపారు. లోకేశ్ ట్వీట్ చేస్తూ, “చిరు చిందేస్తే అభిమానులకు పూనకాలే” అని పేర్కొన్నారు. కేటీఆర్ తన సందేశంలో, చిరంజీవి అరంగేట్రం నుండి ఇప్పటి వరకు తన ఆధిపత్యం కొనసాగిస్తూ చేసిన ప్రస్థానాన్ని అపురూపంగా అభివర్ణించారు.