అనంతపురము
నగరంలోని హౌసింగ్ బోర్డ్ నందు శ్రీ వేంకటేశ్వరస్వామి ఆలయంలో శుక్రవారం రథసప్తమిని పురస్కరించుకొని వేడుకలను ఘనంగా నిర్వహించారు.
ఈ సందర్భంగా శ్రీవారు సూర్యప్రభ వాహనంపై నాలుగు మాడ వీధుల గుండా విహరిస్తూ భక్తులకు దర్శనమిచ్చారు.
ఈ కార్యక్రమంలో నగరానికి చెందిన ఓం సంగీత నృత్య కోలాట శిక్షణ సంస్థ అధినేత, స్వర్ణ నంది అవార్డు గ్రహీత దేవరకొండ కౌసల్య ఆధ్వర్యంలో మహిళలు, చిన్నారులు ఉత్సాహంగా ప్రదర్శించిన కోలాటం, నృత్య ప్రదర్శన భక్తులకు కనుల విందు చేసింది. ఈ సందర్భంగా దేవరకొండ కౌసల్యకు ఆలయ కమిటీ వారు చిరు సన్మానం గావించారు. ఈ కార్యక్రమంలో ఆలయ కమిటీ మహిళలు, సభ్యులు, ఆలయ అర్చకులు పాల్గొన్నారు.