తిరుపతి,
పోల్డ్ ఈవిఎం లు భద్రపరచిన శ్రీ పద్మావతి మహిళా విశ్వవిద్యాలయం ఇంజనీరింగ్ కళాశాల స్ట్రాంగ్ రూం భద్రత ఏర్పాట్లు, కౌంటింగ్ కొరకు ఏర్పాటు చేసిన బ్యారికేడింగ్, మీడియా సెంటర్ ఏర్పాటుకు సంబంధిత అధికారులతో కలిసి కలెక్టర్ మరియు జిల్లా ఎన్నికల అధికారి ప్రవీణ్ కుమార్ పరిశీలించి అధికారులకు పలు సూచనలు చేశారు.
సోమవారం రాత్రి సదరు స్ట్రాంగ్ రూం, కౌంటింగ్ కొరకు ఏర్పాటు చేసిన బ్యారికేడింగ్ ను కలెక్టర్ సంబంధిత అధికారులతో కలిసి పరిశీలించి మాట్లాడుతూ భద్రత ఏర్పాట్లు, కౌంటింగ్ కొరకు బ్యారికేడింగ్ పక్కాగా ఉండాలని, వర్ష సూచన నేపథ్యంలో ఎలాంటి ఇబ్బందీ లేకుండా చూడాలని తెలుపుతూ పలు సూచనలు చేశారు. మీడియా సెంటర్ కు సంబంధించిన ఏర్పాట్లపై సూచనలు చేశారు. సీసీటీవీ కెమెరాల కంట్రోల్ రూం నందు ఈవిఎం లను పరిశీలించారు. సందర్శకుల రిజిష్టర్ నందు సంతకాలు చేశారు.
వీరి వెంట అదనపు ఎస్పీ కులశేఖర్, శ్రీనివాస రావు, ఎస్.ఈ ఆర్ అండ్ బీ మధుసూధన్ రావు, ఆర్డీఓ సూల్లూరు పేట చంద్రముని, ప్రొబేషనరీ డిప్యూటీ కలెక్టర్ ప్రవీణ్ కుమార్ రెడ్డి, జిల్లా సర్వే అధికారి జయరాజ్ తదితరులు పాల్గొన్నారు.