రజనీకాంత్ కీలకమైన పాత్రగా, ఆయన కూతురు ఐశ్వర్య రూపొందించిన ‘లాల్ సలామ్’ .. ఫిబ్రవరి 9వ తేదీన ప్రేక్షకుల ముందుకు వచ్చింది. లైకా బ్యానర్ పై నిర్మితమైన ఈ సినిమాలో, ప్రధానమైన పాత్రలను విష్ణు విశాల్ – విక్రాంత్ పోషించారు. ఏఆర్ రెహ్మాన్ సంగీతాన్ని సమకూర్చాడు. అయితే ఆశించిన స్థాయిలో ఈ సినిమా ఆకట్టుకోలేకపోయింది.అలాంటి ఈ సినిమా ఓటీటీ ఫ్లాట్ ఫామ్ పైకి అడుగుపెడుతోంది. ఈ సినిమా ఓటీటీ హక్కులను నెట్ ఫ్లిక్స్ వారు దక్కించుకున్నారు. ఈ సినిమాను రేపటి నుంచి స్ట్రీమింగ్ చేయనున్నారు. క్రికెట్ నేపథ్యం .. స్నేహానికి సంబంధించిన ఎమోషన్స్ .. గ్రామీణ నేపథ్యం .. మాఫియా టచ్ .. ఇలా అనేక వైపుల నుంచి ఈ కథ నడుస్తుంది.
‘జైలర్’ తరువాత రజనీ నుంచి వచ్చిన సినిమా కావడంతో, ఈ సినిమా కూడా వసూళ్ల జోరు చూపించవచ్చని చాలామంది భావించారు. అయితే ఈ సినిమాలో కథానాయకుడు రజనీ కాదనేసరికి ఆడియన్స్ ఆలోచనలో పడ్డారు. కథానాయకులు అని చెప్పినవారు ఇక్కడ పెద్దగా తెలియదు. ఆడియన్స్ ను థియేటర్స్ కి రప్పించకపోవడంలో ఈ కారణం ప్రధానమైనదిగా నిలిచింది.
రేపటి నుంచి నెట్ ఫ్లిక్స్ లో రజనీ ‘లాల్ సలామ్’
