క్యాస్టింగ్ కౌచ్‌పై మంచు లక్ష్మి షాకింగ్ కామెంట్స్

మంచు లక్ష్మి ప్రసన్న క్యాస్టింగ్ కౌచ్ గురించి చేసిన వ్యాఖ్యలు సోషల్ మీడియాలో పెద్ద చర్చకు దారితీశాయి. ఆమె కెరీర్ ప్రారంభంలోనే కొన్ని అసహజ పరిస్థితులను ఎదుర్కొన్నానని, కొన్ని సందర్భాల్లో ఆ పరిస్థితులకు వ్యతిరేకంగా తీవ్రంగా ప్రతిస్పందించానని వెల్లడించింది.లక్ష్మి మాటల ప్రకారం, ఆమె కొంతమంది తనను ఇబ్బంది పెట్టేందుకు ప్రయత్నించారని, అలా చేసిన వారికి ఆమె చాలా దురుసుగా ప్రవర్తించేదని చెప్పింది. ఈ కారణంతో ఆమె ఒకసారి ఉద్యోగాన్ని కూడా కోల్పోయిందని వెల్లడించింది. సమాజంలో మహిళలకు సరైన స్థానం లేదని, దీనిపై మార్పు అవసరం ఉందని ఆమె ఆవేదన వ్యక్తం చేసింది.అలాగే, మలయాళ సినీ పరిశ్రమలో మహిళలు ఎదుర్కొంటున్న దారుణ పరిస్థితులపై జస్టిస్ హేమ కమిటీ నివేదిక ప్రకంపనలు రేపుతోందని, అయితే ఆ రిపోర్టు వివరాలు తనకు పూర్తిగా తెలియవని చెప్పింది. మంచు కుటుంబం సినీ పరిశ్రమలో పెద్ద పేరు కలిగి ఉండడంతో, ఆమె ఇంట్లో మహిళలను ఎవ్వరూ ఇబ్బంది పెట్టలేరని, అయినప్పటికీ మంచు లక్ష్మిని కూడా ఇబ్బంది పెట్టేంతగా క్యాస్టింగ్ కౌచ్ ఉందని నెటిజన్లు చర్చిస్తున్నారు.