ఫుల్ స్వింగ్ లో మీనాక్షి చౌదరి

మీనాక్షి చౌదరి ప్రస్తుతం టాలీవుడ్‌లో మంచి జోరుగా ముందుకు సాగుతోంది. ఆమె తాజా చిత్రం లక్కీ భాస్కర్ భారీ హిట్‌గా నిలవడంతో, ఆమెపై ప్రశంసలు వెల్లువెత్తుతున్నాయి. ఈ సినిమాలో, గ్లామర్ పాత్రలకే పరిమితమైన ఆమెకు తొలిసారి నటనకు ఆస్కారమున్న పాత్ర లభించడం విశేషం. ఈ పాత్రలో ఆమె చేసిన భావ ప్రదర్శన ప్రేక్షకులని ఆకట్టుకోగా, సినీ పరిశ్రమలో ఆమెకు మంచి గుర్తింపు తెచ్చింది.ఈ విజయంతో ఆమె ప్రస్తుతం తన సక్సెస్‌ను ఆస్వాదిస్తోంది. ఇండస్ట్రీలో ఆమెకు మెయిన్ హీరోయిన్‌గా అవకాశాలు పెరుగుతాయని ట్రేడ్ పండితులు అభిప్రాయపడుతున్నారు. ఈ సినిమా విజయం తర్వాత, ఆమె ప్రమోషన్‌ కార్యక్రమాలను కూడా మరింత ఉత్సాహంగా చేపడుతోంది. ఇంతకుముందు తెలుగు ప్రేక్షకులకు దుల్కర్ కన్నా మీనాక్షి పరిచయం ఎక్కువ ఉండడంతో, ఆమె ఇక్కడ మరింతగా దూసుకుపోతున్నారు.ఇటీవలి ప్రమోషన్స్‌లో మీనాక్షి ప్రత్యేక ఫొటోషూట్‌లలో కూడా పాల్గొంటోంది. బ్లూ టాప్‌లెస్ డ్రెస్‌లో ఆమె చేసిన ఫొటోషూట్ సోషల్ మీడియాలో తెగ వైరల్ అవుతోంది.