యంగ్ హీరోయిన్ మేఘా ఆకాశ్ పెళ్లిపీటలు ఎక్కబోతోంది. నిన్న ఆమె విష్ణు అనే కుర్రాడితో నిశ్చితార్థం చేసుకుంది. ఈ ప్రత్యేక సందర్భానికి సంబంధించిన ఫొటోలను ఆమె ఇన్స్టాగ్రామ్‌లో షేర్ చేసింది. ఆగస్ట్ 22న జరిగిన ఈ ఎంగేజ్‌మెంట్ వేడుక గురించి మేఘా ఆకాశ్ సోషల్ మీడియాలో వెల్లడించింది.చెన్నైలో పుట్టి పెరిగిన మేఘా ఆకాశ్, తెలుగు చిత్ర పరిశ్రమలో హీరో నితిన్‌తో కలిసి నటించిన ‘లై’ సినిమాతో హీరోయిన్‌గా అరంగేట్రం చేసింది. తరువాత, తెలుగులో మరియు తమిళంలో పలు చిత్రాల్లో నటించినప్పటికీ, ఆమెకు పెద్దగా గుర్తింపు రాలేదు.మేఘా ఆకాశ్ వివాహంపై గత కొంతకాలంగా ప్రచారం జరుగుతోంది. తమిళనాడుకు చెందిన ఒక రాజకీయ నాయకుడి కుమారుడిని పెళ్లి చేసుకోబోతోందని రూమర్లు వచ్చాయి. అయితే, ఎలాంటి పెద్ద హడావుడి లేకుండా, విష్ణు అనే వ్యక్తితో ఆమె నిశ్చితార్థం చేసుకోవడం జరిగింది. విష్ణు గురించి, ఆయన బ్యాక్‌గ్రౌండ్ వివరాలు ఇంకా తెలియరాలేదు.మేఘా ఆకాశ్ పెళ్లి వార్త వినగానే, ఆమె అభిమానులు సోషల్ మీడియా వేదికగా శుభాకాంక్షలు తెలుపుతున్నారు.
