సినిమా చూస్తున్నప్పుడు కొత్తవాళ్లు యాక్ట్ చేస్తున్నారనే విషయాన్ని మరచిపోయాను : మెగాస్టార్ చిరంజీవి

నిహారిక కొణిదెల సమర్పణలో పింక్ ఎలిఫెంట్ పిక్చర్స్ ఎల్.ఎల్.పి, శ్రీరాధా దామోదర్ స్టూడియోస్ బ్యానర్స్‌పై రూపొందిన చిత్రం ‘కమిటీ కుర్రోళ్ళు’ ప్రేక్షకులను ఆకట్టుకుంటూ విజయవంతంగా ప్రదర్శితమవుతోంది. సీనియర్ నటీనటులతో పాటు 11 మంది హీరోలు, నలుగురు హీరోయిన్స్‌ను పరిచయం చేస్తూ, యదు వంశీ దర్శకత్వంలో తెరకెక్కిన ఈ చిత్రం ఆగస్ట్ 9న విడుదలైంది.ప్రేక్షకులు, విమర్శకుల ప్రశంసలు అందుకున్న ఈ చిత్రానికి సెలబ్రిటీల నుంచి కూడా ప్రశంసలు దక్కాయి. ఇప్పటికే సూపర్ స్టార్ మహేష్ బాబు, గ్లోబల్ స్టార్ రామ్ చరణ్, దర్శకధీరుడు ఎస్.ఎస్. రాజమౌళి, స్టార్ డైరెక్టర్ సుకుమార్, క్రిష్, దేవిశ్రీ ప్రసాద్ వంటి ప్రముఖులు ‘కమిటీ కుర్రోళ్ళు’ టీమ్‌ను అభినందించారు.తాజాగా మెగాస్టార్ చిరంజీవి ఈ సినిమాను ప్రత్యేకంగా వీక్షించి, చిత్ర యూనిట్‌ను ప్రత్యేకంగా కలుసుకున్నారు. నిర్మాత నిహారిక కొణిదెల, దర్శకుడు యదువంశీతో పాటు చిత్రంలోని నటీనటులందరితో చిరంజీవి ముచ్చటించారు.చిరంజీవి మాట్లాడుతూ, “నిహారిక నిర్మించిన ‘కమిటీ కుర్రోళ్ళు’ సినిమాను చూశాను. చాలా చక్కగా ఉంది. అందరూ కొత్త కుర్రాళ్లే, కానీ చాలా బాగా చేశారు. సినిమా చూస్తున్నప్పుడు కొత్తవాళ్లు యాక్ట్ చేస్తున్నారనే విషయాన్ని మరచిపోయాను. ఎమోషనల్ సీన్స్ చాలా చక్కగా పండాయి. నటీనటులందరూ కథానుగుణంగా మేకోవర్ అయిన తీరు అద్భుతం. సినిమాలోని ప్రతి సన్నివేశం నేచురల్‌గా చిత్రీకరించటం, దర్శకుడు యదువంశీ పడిన కష్టం తెరపై కనిపించింది. రీసెంట్‌గా విడుదలైన సినిమాల్లో ‘కమిటీకుర్రోళ్లు’ ముందంజలో ఉంటూ మంచి వసూళ్లను రాబడుతోంది,” అని అన్నారు.చిరంజీవి ఈ విజయాన్ని ముందుకు తీసుకువెళ్లేందుకు చిత్ర బృందానికి శుభాకాంక్షలు తెలిపారు