వి వో ఎ లా నిరసన మూడో రోజుకు చేరింది

జీలుగుమిల్లి :జీలుగుమిల్లి మండలంలోని సిఐటియు అనుబంధ సంఘం వెలుగు వివో ఎలా ఆధ్వర్యంలో స్థానిక ప్రజా సంఘాల కార్యాలయం నుండి మూడో రోజు ప్రదర్శనగా స్థానిక తాసిల్దార్ కార్యాలయం వద్దకు వెళ్లి నిరసన కార్యక్రమాన్ని శుక్రవారం నిర్వహించారు. ఈ సందర్భంగా సిఐటియు మండల కార్యదర్శి చిట్టి బొమ్మ కొండలరావు మాట్లాడుతూ వివో ఎలా పైన జరుగుతున్న వేధింపులు ఉద్యోగ భద్రత గత ఐదు నెలల నుండి పెండింగ్ వేతనాలు చెల్లించాలని డిమాండ్ చేశారు . తమ సమస్యలను తక్షణమే కూటమి ప్రభుత్వం పరిష్కరించాలని వారు డిమాండ్ చేశారు . తాసిల్దార్ కార్యాలయం వద్ద నిరసన వ్యక్తం చేసి స్థానిక డిప్యూటీ తాసిల్దార్ సందీప్ గౌడ్ వినతి పత్రాన్ని అందించారు. ఇందిరా కాంతి పథకం ఏపీఎం కార్యాలయానికి వెళ్లి ఏపీఎం కి వినతిపత్రాన్ని అందించారు. తక్షణమే తమ సమస్యలను పరిష్కరించకపోతే దశ ల వారిగా ఆందోళన రాష్ట్రవ్యాప్తంగా ఉద్ధృతం చేస్తామని హెచ్చరించారు. ఈ కార్యక్రమంలో వివో ఎలా గౌరవ అధ్యక్షులు ఉడా రమణ, వివో ఎలా సెక్రటరీ వై .వరలక్ష్మి, రాజేశ్వరి, మంగా, లక్ష్మి ,కుమారి, వీరంకి సత్యవతి ,అధిక సంఖ్యలో కార్యకర్తలు పాల్గొన్నారు.