నేడు విశాఖలో సీఎం జగన్ పర్యటన
ఆంధ్రప్రదేశ్ సీఎం జగన్ నేడు విశాఖలో పర్యటించనున్నారు. మధ్యాహ్నం 3 గంటలకు ఆయన తాడేపల్లి నివాసం నుంచి వైజాగ్ చేరుకున్న అనంతరం భీమిలిలో వైసీపీ ఆధ్వర్యంలో జరిగే బహిరంగ సభలో పాల్గొంటారు. సిద్ధం పేరుతో నిర్వహించే భీమిలి సభకు భారీగా జనాలను సమీకరిస్తోందీ వైసీపీ. ఈ సభలో సుమారు 3 లక్షల మంది పాల్గొనేందుకు వీలుగా ఏర్పాట్లు చేశారు. ప్రజలకు చేసిన మంచితోపాటు ప్రతిపక్షాలు చేస్తున్న ప్రచారాన్ని తిప్పి కొట్టడం, జరుగుతున్న రాజకీయాన్ని ప్రజల ముందు ఉంచడమే వైసీపీ ముఖ్య ఉద్దేశ్యం. మూడు ప్రాంతాల్లో నాలుగు సభలు నిర్వహించేలా వైసీపీ మొదట ప్లాన్ చేసింది. భీమిలిలో 15 ఎకరాల్లో సిద్ధం పేరుతో నిర్వహిస్తున్న మొదటి సభకు ఉత్తరాంధ్రలోని 34 నియోజకవర్గాల నుంచి నాయకులు, కార్యకర్తలను తరలిస్తున్నారు.